ឧកញ៉ា ឌួង ឆាយ នឹងសហការជាមួយអឺរ៉ុប ឌូបៃ និងអាស៊ីបើករោងចក្រ​ស្វាយចន្ទីដំបូងគេនៅកម្ពុជា​

ភ្នំពេញ៖ លោកឧកញ៉ា ឌួង ឆាយ នឹង​ធ្វើការបើក​រោងចក្រស្វាយចន្ទីដំបូងគេនៅកម្ពុជា ដោយរកដៃគូសហការមានអឺរ៉ុប ឌូបៃ និងក្នុងតំបន់អាស៊ី ដោយបានសិក្សាគម្រោងនេះកាលពីឆ្នាំទៅ ។​

លោក ឌួង ឆាយ បានសរសេរនៅលើបណ្តាញទំនាក់ទំនងសង្គមរបស់លោកថា «ខ្ញុំបាទនឹងបើករោងចក្រស្វាយចន្ទីដំបូងគេនៅកម្ពុជាដែលបាសហការជាមួយដៃគូអឺរ៉ុប, ឌូប៉ៃ និងអាស៊ីក្នុងពេលឆាប់ៗខាងមុខនេះដោយបានសិក្សាគំរោងតាំងពីឆ្នាំ 2018 មក ដើម្បីជួយដល់កសិកររបស់យើងតាមការសន្យារបស់ខ្ញុំកាលពីឆ្នាំមុន» ។​

ដំណឹងនេះបានធ្វើឲ្យកសិករដែលកំពុងប្រកបរបរ​ដាំស្វាយចន្ទី ហាក់មានសង្ឈឹមឡើងវិញមួយកម្រិត នឹងរំពឹងថាទីផ្សារគ្រាប់ស្វាយចន្ទីកាន់តែត្រូវប៉ាន់ ៕