ខេត្តកោះកុង៖ ចាប់តាំងពីថ្ងៃទី៣០ មករា ឆ្នាំ២០១៩ មក ប្រជាពលរដ្ឋក្នុងក្រុងខេមរភូមិន្ទ សឹងតែពុំមានទឹកប្រេីប្រាស់ ផ្ទះខ្លះអណ្តូង១ ប្រេីជាងដប់គ្រួសារ កុំថាឡេីយទឹកស្អាតសម្រាប់ងូត សូម្បីសម្រាប់ប្រេីប្រាស់តិចតួចសឹងពុំមានគ្រប់ផង ។ 
យោងតាមលិខិតរបស់នាយករដ្ឋាករទឹក ផ្ញេីជូនមន្ទីរឧស្សាហកម្ម សិប្បកម្មខេត្តកោះកុង បានអោយដឹងថា ដោយការព្យាករណ៍អាកាសធាតុរបស់ក្រសួងធនធានទឹក និងឧតុនិយម ដែលបានបញ្ជាក់ថា អាកាសធាតុប្រទេសកម្ពុជាទទួលរងនូវភាពរាំងស្ងួតរយះពេលយូរ ដូច្នេះដេីម្បីអោយទឹកក្នុងស្រះរបស់រដ្ឋាករទឹកមានលំនឹង និងចែកជូនប្រជាពលរដ្ឋយូរអង្វែង ទេីបរដ្ឋាករទឹកខេត្តកោះកុង សម្រេចបិទបេីកទឹក ក្នុង១ថ្ងៃ២លេីក ចាប់ពីថ្ងៃទី០៧ កុម្ភះ ២០១៩ តទៅរហូតដល់ស្ថានភាពទឹកប្រក្រតីវិញ។
ពេលវេលាបិទបេីកទឹក
*លេីកទី១បេីកម៉ោង ០៦:០០ ដល់ម៉ោង ១០:០០
*លេីកទី២បេីកម៉ោង ១៧:០០ ដល់ម៉ោង ២១:០០
ប្រជាពលរដ្ឋបានទទួចស្នេីសុំអោយក្រុមមានសមត្ថកិច្ច ក្រសួង មន្ទីរ និងស្ថាប័នពាក់ព័ន្ធ មេត្តារកដំណោះស្រាយ ដេីម្បីសម្រួលដល់ជីវីភាពរស់នៅរបស់ប្រជាពលរដ្ឋអោយបានឆាប់រហ័ស ព្រោះរាល់ពេលបេីកទឹកម្តងៗ ពេលខ្លះមិនចេញ ហេីយពេលខ្លះទឹកខ្សោយខ្លាំង។
