ភ្នំពេញ៖សង្ឃមួយអង្គដែលធ្លាប់ពិនិត្យព្យាបាលជំងឺអ្នកស្រុក និងមានដាស់មន្តអាគមផ្សេងៗ គង់នៅលើភ្នំមួយ ក្នុងស្រុកកំរៀង ខេត្តបាត់ដំបង ត្រូវបានចាប់ផ្សឹក ក្រោយរកឃើញលាក់ទុកអាវុធខ្លី មួយដើម គ្រាប់កាំភ្លើង និងសម្ភារៈខុសច្បាប់ ជាច្រើនទៀត ។
នគរបាលខេត្តបាត់ដំបង បានឲ្យដឹងថា ព្រះសង្ឃខាងលើព្រះនាម ហ៊ុន អង ព្រះជន្ម៣៥ព្រះវស្សា ត្រូវបានកម្លាំងអធិការដ្ឋាន នគរបាលស្រុកកំរៀង សហការជាមួយ ការិយាល័យធម្មការ និងសាលាអនុគណ ស្រុកកំរៀង កាលពីថ្ងៃទី១៨ ខែធ្នូ ឆ្នាំ២០១៨ ចុះទៅត្រួតពិនិត្យកន្លែងសឹង របស់ព្រះសង្ឃ រកឃើញមានកាំភ្លើង ប៉េអាកុលកែច្នៃ ១ដើម កាំភ្លើងបាញ់គ្រាប់កង់ ១ដើម ខ្នោះ ១គូរ ដាវ ១ ជំពុះទុង ១ មួកនគរបាល ១ វិទ្យុទាក់ទង ១គ្រឿង គ្រាប់K៥៩ ១គ្រាប់ គ្រាប់K៥៤ ៣គ្រាប់ គ្រាប់ប៉េអាកុល ៤គ្រាប់ រ៉ូឡូ ៧គ្រាប់ ដបជក់ថ្នាំញៀនចំនួន ១ និងដែក កេះចំនួន ១ ។ព្រះសង្ឃខាងលើចាប់ផ្សឹកតាមបែបសាសនា និងចោទពីបទកាន់កាប់ និងរក្សាទុកអាវុធខុសច្បាប់ ៕
