ភ្នំពេញ៖ នៅថ្ងៃទី២៣ ខែមករា ឆ្នាំ២០១៥ កម្លាំងប៉ុស្តិ៍នគរបាលរដ្ឋបាលផ្សារដើមគរ នៃអធិការដ្ឋាននគរបាលខណ្ឌទួលគោក បានធ្វើការឃាត់ខ្លួនជនសង្ស័យចំនួន០២នាក់ ពាក់ព័ន្ធករណីលួច (គ្រឿងអគ្គិសនីព្រីខ្សែភ្លើង) នៅចំណុចផ្លូវលេខ២៦១ សង្កាត់ទឹកល្អក់ទី៣ ខណ្ឌទួលគោក។ ឃាត់ខ្លួនជនសង្ស័យចំនួន០២នាក់៖
១-ឈ្មោះ នូ ចាន់ថា ភេទប្រុស ជនជាតិខ្មែរ មុខរបរ មិនពិតប្រាកដ ស្នាក់នៅមិនពិតប្រាកដ មានស្រុកកំណើតភូមិអង្គត្នោត ឃំអង្គត្នោត ស្រុកត្រាំកក់ ខេត្តតាកែវ ។
២-ឈ្មោះ ទូច ទិត ភេទប្រុស ជនជាតិខ្មែរ មុខរបរ មិនពិតប្រាកដ ស្នាក់នៅមិនពិតប្រាកដ មានស្រុកកំណើតឃ្លាំងលើ ខេត្តព្រះសីហនុ។
វត្ថុតាងចាប់យករួមមាន៖ ម៉ូតូម៉ាក Suzuki Nex ស៊េរី២០១២ ពណ៍ស ពាក់ផ្លាកលេខ ភ្នំពេញ 1BQ-8286, ព្រីខ្សែភ្លើងម៉ាក ELITE ចំនួន១កេស។ សមត្ថកិច្ចបានប្រគល់ជូនជនរងគ្រោះវិញតាមការស្នើសុំ។ បច្ចុប្បន្នជនសង្ស័យកំពុងឃាត់ខ្លួនជាបណ្ដោះអាសន្ននៅ អធិការដ្ឋាននគរបាលខណ្ឌទួលគោក ដើម្បីធ្វើការសាកសួរ និងចាត់ការបន្តតាមនីតិវិធី៕
