ភ្នំពេញ៖ កាលពីម៉ោងប្រមាណ ១៤:០០នាទី ថ្ងៃទី២០ ខែកញ្ញា ឆ្នាំ២០២៤ សមត្ថកិច្ចបានធ្វើការឃាត់ខ្លួនបុរសម្នាក់នៅចំណុចដីឡូតិ៍ ភូមិព្រែកតាឡុង សង្កាត់ចាក់អង្រែក្រោម ខណ្ឌមានជយ័ រាជធានីភ្នំពេញ ពាក់ព័ន្ធករណី ឆបោក និងក្លែងបន្លំឯកសារសាធារណៈ (ធ្វើអត្តសញ្ញាណប័ណ្ណក្លែងក្លាយចំនួនពីរសន្លឹងតម្លៃ ២០០០$ )។
ក្នុងនោះជនរងគ្រោះឈ្មោះ ភី ហ៊ួរឃន ភេទប្រុស អាយុ៤៧ ឆ្នាំ មុខរបរអាជីវក ស្នាក់នៅដីឡូ ភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។ ដោយឡែកជនសង្ស័យមានឈ្មោះ លី ពុទ្ធារ៉ា ភេទប្រុស អាយុ ៣៣ឆ្នាំ មានទីលំនៅ ភូមិវាលធំ ឃុំពាមឧកញ៉ាអុង ស្រុកល្វាឯម ខេត្តកណ្ដាល និងម្នាក់ទៀតឈ្មោះ សោភ័ណ្ឌ ភេទប្រុស អាយុប្រហែល ៤៥ឆ្នាំ (គេចខ្លួន)។ សម្ភារះបាត់បង់រួមមានលុយដុល្លាចំនួនពីពាន់មួយរយដុល្លា (២១០០$)។
ចាប់យកវត្ថុតាងរួមមាន៖
– ម៉ូតូ ០១គ្រឿង ម៉ាក honda dream ពណ៌ខ្មៅ ផលិតឆ្នាំ ២០២១ ស្លាកលេខ ភ្នំពេញ 1IW 1789 លេខតួនិងម៉ាស៊ីន 6039541
– ទូរសព្ទ ចំនួន ០៣ គ្រឿង
– ត្រាចំនួន២ (ត្រាមានឈ្មោះ លី ពុទ្ធារ៉ា និងត្រាមូលលោកគ្រូ តារាបៃតង សេវាកម្មប្រាក់កម្ចី)
– កាតបុគ្គលិកការងាចំនួន២ (គ្រឹះស្ថានមីក្រូហិរញ្ញវត្ថុមហានគរ និងក្រុមហ៊ុន GPGC អ៊ីនធឺណេសិនណល)
– អត្តសញ្ញាណប័ណ្ណក្លែងក្លាយចំនួន ២សន្លឹក (ឈ្មោះ ភី ហ៊ួរឃន ភេទប្រុស និងឈ្មោះ យ៉ាត ស្រីគីម ភេទស្រី)
– កាតឈ្មោះ ក្រុមហ៊ុន motosloan បង់រំលស់ម៉ូតូ និងកម្ចី ចំនួន 40សន្លឹក
– កាតឈ្មោះ លោកគ្រូ តារាប៉ៃតង សេវាកម្មប្រាក់កម្ចី របស់ធនាគារប្រៃសណីយ៍កម្ពុជា ក.អ ចំនួន 40សន្លឹក ។
កាលពីថ្ងៃទីមិនចាំ ខែសីហា ឆ្នាំ២០២៤ ជនសង្ស័យញ៉ាំបាយកន្លែងលក់បាយម្ហូបរបស់ជនរងគ្រោះនៅទីតាំងខាងលើ. សង្ស័យបានមកសួរនាំប្រពន្ធជនរងគ្រោះឈ្មោះ យ៉ាត ស្រីគីម ភេទស្រី អាយុ៤៤ឆ្នាំ ចង់ខ្ចីលុយធនាគារទេ ប្រពន្ធជនរងគ្រោះថា ឈ្មោះខ្ញុំខ្ចីមិនបានទេព្រោះខ្ញុំធ្លាប់យឺតយ៉ាវបង់ធនាគារ ទើបធនាគារមិនឲ្យខ្ចី (ខូចឈ្មោះខូចប្រវត្តិរូប) ពេលនោះជនសង្ស័យឈ្មោះ លី ពុទ្ធារ៉ា ភេទប្រុស អាយុ ៣៣ឆ្នាំ បាននិយាយថារូបគេអាចជួយបាន ដោយរូបគេនឹងផ្លាស់ប្ដូរធ្វើថ្មី អត្តសញ្ញាណប័ណ្ណសញ្ជាតិខ្មែរ ថ្មីផ្សេងទៀតឱ្យទៅជនរងគ្រោះ ដោយដាក់ឈ្មោះដដែលខុសតែថ្ងៃខែឆ្នាំកំណើតនិងលេខអត្តសញ្ញាណប័ណ្ណតែប៉ុណ្ណោះដើម្បីខ្ចីលុយធនាគារ .បន្ទាប់មកទៀតជនសង្ស័យបានសុំលេខទូរសព្ទ ប្រពន្ធជនរងគ្រោះ រួចខលមកប្រពន្ធជនរងគ្រោះមួយថ្ងៃ១០ ទៅ ២០ដង ដោយអះអាងថារូបគេជាបុគ្គលិកធនាគារ . ហើយរូបគេនឹងធ្វើអត្តសញ្ញាណប័ណ្ណថ្មីដល់ ជនរងគ្រោះដោយទាក្នុងតម្លៃ ពីពាន់ដុល្លារអាមេរិក (២០០០$)។
រហូតដល់ថ្ងៃទី២០ ខែកញ្ញា ឆ្នាំ២០២៤ វេលាម៉ោងប្រហែល១៤ម៉០០នាទី ជនរងគ្រោះក៏ព្រមឲ្យធ្វើ ដោយឲ្យលុយមុនចំនួនមួយពាន់មួយរយដុល្លា (១១០០$)+ថ្លៃសាំង លុះដល់ថ្ងៃទី២៧ ខែកញ្ញា ឆ្នាំ២០២៤ ជនសង្ស័យឈ្មោះ លី ពុទ្ធារ៉ា ក៏បានយកអត្តសញ្ញាណប័ណ្ណសញ្ជាតិខ្មែរ (ក្លែងក្លាយ)យកប្រគល់ឲ្យជនរងគ្រោះ នឹងបានទារលុយមួយពាន់ដុល្លារ(១០០០$) បន្ថែមទៀត។
ក្រោយមកនៅថ្ងៃទី៣ ខែតុលា ឆ្នាំ២០២៤ ជនរងគ្រោះបានយកអត្តសញ្ញាណប័ណ្ណសញ្ជាតិខ្មែរ (ក្លែងក្លាយ) ទៅខ្ចីលុយធនាគារ រហូតដល់ថ្ងៃទី១០ ខែតុលា ឆ្នាំ២០២៤ ទើបធនាគាទាក់ទងមកជនរងគ្រោះថាអត្តសញ្ញាណប័ណ្ណនេះ ពុំមានក្នុងគល់បញ្ជីទេ ដោយខុសលេខអត្តសញ្ញាណប័ណ្ណ ថ្ងៃខែឆ្នាំកំណើត និងថ្ងៃផុតសុពលភាព រួចជនរងគ្រោះតែងតែទាក់ទងទៅជនសង្ស័យរហូត ប៉ុន្តែជនសង្ស័យតែងតែគេចវេសយកលេសរវល់រហូត។ ទើបថ្ងៃទី២០ ខែវិច្ឆិកា ឆ្នាំ២០២៤ ម៉ោង ១០:០០នាទី ជនរងគ្រោះបានធ្វើជាប្រាប់ជនសង្ស័យថាមានបងប្អូនចង់ធ្វើអត្តសញ្ញាណប័ណ្ណថ្មីមួយដែរ រហូតដល់ម៉ោង ១៦:៣០ នាទីថ្ងៃខែឆ្នាំដដែលទើបជនសង្ស័យបានមកផ្ទះជនរងគ្រោះ ទីតាំងខាងលើ ទើបជនរងគ្រោះបានឃាត់ខ្លួនជនសង្ស័យប្រគល់ឱ្យសមត្ថកិច្ចប៉ុស្តិ៍នគរបាលចាក់អង្រែក្រោមតែម្ដង។ ក្រោយពេលកើតហេតុជនរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលចាក់អង្រែក្រោម ដើម្បីចាត់ការតាមនីតិវិធីច្បាប់ ។
បច្ចុប្បន្នជនសង្ស័យខាងលើ កំពុងឃាត់ខ្លួននៅអធិការខណ្ឌមានជ័យ ដើម្បីកសាងសំណុំរឿងចាក់តាមនីតិវិធី៕
