ស្ទឹងត្រែង៖ យោងតាមនាយកដ្ឋានជលសាស្ត្រ និងការងារទន្លេ បានអោយដឹងនៅថ្ងៃទី២២ ខែវិច្ឆិកានេះ ការវាស់កំពស់ទឹកនៅទន្លេមេគង្គខេត្តស្ទឹងត្រែង ឃើញមានការឡើងកំពស់ចំនួន ០,០៧ម៉ែត្រ។
ការឡើងកំពស់នេះបានធ្វើអោយកំពស់ទឹកទន្លេមេគង្គខេត្តស្ទឹងត្រែង ឡើងដល់ ៣,៨០ម៉ែត្រ។
ដោយឡែកនៅស្ថាននីយជលសាស្ត្រផ្សេងៗទៀតក៏មានការឡើងកំពស់ទឹកដែរ។ ដូចជា នៅស្ថាននីយជលសាស្ត្រ ទន្លេមេគង្គខេត្តក្រចេះ បានឡើងកំពស់ចំនួន ០,០៤ម៉ែត្រ ធ្វើអោយកំពស់ទឹកឡើងដល់ ៩,៦១ម៉ែត្រ ខណៈទន្លេមេគង្គ អ្នកលឿង បានឡើងកំពស់ចំនួន ០,០៤ម៉ែត្រ ធ្វើអោយកំពស់ទឹកឡើងដល់ ៣,២៨ម៉ែត្រ ៕
