ភ្នំពេញ៖ នៅថ្ងៃទី២១ ខែវិច្ឆិកា ឆ្នាំ២០២៤ កម្លាំងប៉ុស្ដិ៍នគរបាលរដ្ឋបាលបឹងកេងកងទី២ នៃអធិការដ្ឋាននគរបាលខណ្ឌបឹងកេងកង បានឃាត់ខ្លួនជនសង្ស័យចំនួន០១នាក់ ពាក់ព័ន្ធករណីលួចទូរស័ព្ទដៃចំនួន០៤គ្រឿង ប្រព្រឹត្តល្មើសនៅចំណុចផ្ទះលេខ៦៤E0 ផ្លូវ២៧៨ ភូមិ៧ សង្កាត់បឹងកេងទី២ ខណ្ឌបឹងកេងកង។
ជនសង្ស័យឈ្មោះ ឈិន គឹមហាំង ភេទប្រុស ជនជាតិខ្មែរ មុខរបរ និង ស្នាក់នៅ មិនពិតប្រាកដ (មានសារធាតុញៀន) ។ វត្ថុតាងដកហូត: ទូរស័ព្ទដៃម៉ាកIPhone 14Pro max ពណ៌ខ្មៅ, ទូរស័ព្ទដៃម៉ាកIPhone 12Pro max ពណ៌ខៀវ, ទូរស័ព្ទដៃម៉ាកIPhone X max ពណ៌មាស, ទូរស័ព្ទម៉ាក VIVO ពណ៌ខ្មៅ។ បន្ទាប់មកសមត្ថកិច្ចបានប្រគល់ឱ្យជនរងគ្រោះវិញតាមពាក្យស្នើសុំ។
បច្ចុប្បន្នជនសង្ស័យ កំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌបឹងកេងកង ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕
