ឃាត់ខ្លួនជនសង្ស័យម្នាក់ ពាក់ព័ន្ធករណីលួចម៉ូតូ និងគំរាមយកលុយ

ភ្នំពេញ៖ កាលពី​ថ្ងៃ​ទី​១៨ ខែវិច្ឆិកា ឆ្នាំ ២០២៤ វេលា​ម៉ោង​១៧:៣០​នាទី​ល្ងាច ស្ថិត​នៅ​ភូមិ​ត្រពាំង​ថ្លឹង​៤ សង្កាត់​ចោម​ចៅ​ទី​១ ខណ្ឌ​ពោធិ៍​សែន​ជ័យ កម្លាំង​ជំនាញ​នៃ​អធិការដ្ឋាន​នគរបាល​ខណ្ឌ​ពោធិ៍​សែន​ជ័យ បាន​ឃាត់ខ្លួន​ជនសង្ស័យ ចំនួន​០១​នាក់ ពាក់ព័ន្ធ​ករណី​លួច​ម៉ូតូ និង​គំរាម​យក​លុយ​។ វត្ថុ​តាំង​ដកហូត​រួម​មាន ៖ ម៉ូតូ​ចំនួន​០១​គ្រឿង និង ទូរស័ព្ទ​ចំនួន​០១​គ្រឿង​។

បច្ចុប្បន្ន​ជនសង្ស័យ ត្រូវ​កម្លាំង​ជំនាញ​នៃ​អធិការដ្ឋាន​នគរបាល​ខណ្ឌ​ពោធិ៍​សែន​ជ័យ កសាង​សំណុំរឿង​បញ្ជូន​ទៅ​តុលាការ ដើ​ចាត់ការ​តាម​នីតិវិធី​៕