បាត់ដំបង៖ នៅថ្ងៃទី០១ខែវិច្ឆិកា ឆ្នាំ២០២៤ អនុវត្តតាមយោបល់ដឹកនាំរបស់លោកឧត្តមសេនីយ៍ទោ ដាញ់ អេងប៊ុន ចាន់ ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ឯក ស គឹមឡុង អធិការនគរបាលស្រុកមោងឫស្សី បានដឹកនាំកម្លាំងឃាត់ខ្លួនជនស័ង្សយចំនួន០៣នាក់នាំមកកាន់អធិការដ្ឋាន ដេីម្បីធ្វេីការសាកសួរនោះគឺ៖
១-ឈ្មោះ ម៉ៃ សុផាន់ណា ហៅបឹប ភេទប្រុស រស់នៅភូមិថ្មី ឃុំកំពង់ព្រៀង ស្រុកសង្កែ ខេត្តបាត់ដំបង។
២-ឈ្មោះ ញ៉ាញ់ ដែន ភេទប្រុស រស់នៅភូមិថ្មី ឃុំកំពង់ព្រៀង ស្រុកសង្កែ ខេត្តបាត់ដំបង។
៣-ឈ្មោះ កុសល្យឧត្ដម ភេទប្រុ ស រស់ នៅភូមិ បឹងព្រីង ឃុំព្រៃតូច ស្រុកមោងឫស្សី ខេត្តបាត់ ដំបង។
ដកហូតវត្ថុតាងបាន៖
១- ម៉ូតូ០២គ្រឿង (ម៉ាកហុងដាទ្រីមសេ១២៥ C១២៥ ពណ៌ខ្មៅសេរីឆ្នាំ២០១៧ ផ្លាកលេខ បាត់ដំបង ១AA- ៩៥៨០ និងម៉ាកហុងដាទ្រីម C១២៥ ពណ៌ខ្មៅសេរីឆ្នាំ២០២១ ផ្លាកលេខ បាត់ដំបង ១AM-៨៣២៨
២- កាំបិតកែច្នៃ០១ដើម
៣- ផ្លាកលេខម៉ូតូបាត់ដំបង ១1AI-៥៣៨១ ចំនួន០១ (ជារបស់ម៉ូតូជនរងគ្រោះ )។
មូលហេតុនៃការឃាត់ខ្លួននេះគឺកាលពីថ្ងៃទី ៣១ ខែ តុលា ឆ្នាំ២០២៤ វេលាម៉ោង២២និង០៥ នាទី ស្ថិតក្នុងក្រុមទី០១ ភូមិព្រៃដំរី ឃុំព្រៃតូច ស្រុកមោងឫស្សី ខេត្តបាត់ដំបង មានករណី លួចដោ យមានស្ថានទម្ងន់ទោសដោយសារការប្រព្រឹត្តអំពើហិ-ង្សា មួយបានកើតឡើងប្រព្រឹត្តដោយជនសង្ស័យមានគ្នា០៥នាក់ជិះម៉ូតូ០២គ្រឿង កាប់ ទៅលេីជន រងគ្រោះឈ្មោះសិន វិ សាល ភេទប្រុស អាយុ១៨ឆ្នាំ រស់នៅភូមិសាលាត្រាវ ឃុំកំពង់ព្រៀង ស្រុកសង្កែ ខេត្តបាត់ដំបង ខណៈជនរងគ្រោះជិះម៉ូតូ០១គ្រឿង ម៉ាកហុងដាទ្រី សេរីឆ្នាំ២០២០ ពាក់ផ្លាកលេខ បាត់ដំបង ១AI- ៥៣៨១ វិលត្រឡប់ពីស្រុកមោងឫស្សីទៅលំនៅដ្ឋានវិញ បណ្ដាលឱ្យរងរបួសធ្ងន់ហើយក្រុមជនសង្ស័យក៏បានកាប់លួចយកផ្លាកលេខម៉ូតូរបស់ជនរងគ្រោះនាំគ្នាជិះគេចខ្លួន បាត់តែម្ដង។
ជនរងគ្រោះបាននាំទៅសង្គ្រោះនៅមន្ទីរពេទ្យនិងបានប្តឹងមកសមត្ថកិច្ចនគរបាល ហេីយសមត្ថកិច្ចបានស្រាវជ្រាវរហូតឃ-ាត់ខ្លួ-នបក្សពួកចំនួន០៣នាក់រៀបចំសំណុំរឿងបញ្ជូនមកអនុវត្តទោសតាមផ្លូវច្បាប់ ៕
