នៅថ្ងៃទី២២ ខែកញ្ញា ឆ្នាំ ២០២៤ កម្លាំងប៉ុស្ដិ៍នគរបាលរដ្ឋបាលស្នោរ បានធ្វើការឃាត់ខ្លួនជនសង្ស័យម្នាក់ ក្នុងចំណោមបក្ខពួកចំនួន០២នាក់ ពាក់ព័ន្ធករណីលួចកាត់ទុយយោស្ពាន់ម៉ាសុីនត្រជាក់ នៅចំណុចផ្លូវបេតុង ភូមិស្រែអំពិល សង្កាត់ស្នោរ ខណ្ឌកំបូល ប្រព្រឹត្តល្មើសកាលពីថ្ងៃទី២០ ខែកញ្ញា ឆ្នាំ២០២៤។
ជនសង្ស័យឈ្មោះ វិបុល រស្មី ភេទប្រុស មុខរបរ មិនពិតប្រាកដ ស្នាក់នៅភូមិត្រពាំងអញ្ចាញ សង្កាត់ត្រពាំងក្រសាំង ខណ្ឌពោធិ៍សែនជ័យ (មានសារធាតុញៀន)។ សម្ភារៈបន្សល់ទុកមាន៖ កន្ត្រៃដែក ចំនួន០១, ទុណឺវីស ចំនួន ០១, សោ ចំនួន០១, ទុយយោស្ពាន់ម៉ាសុីនត្រជាក់ ចំនួន០១ដុំ ប្រវែងប្រហែល ០៤ម៉ែត្រ។
បច្ចុប្បន្នជនសង្ស័យកំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌកំបូល ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕
