កំពង់ស្ពឺ៖ នៅថ្ងៃទី២៦ ខែកក្កដា ឆ្នាំ២០២៤ វេលាម៉ោង១១.៣០នាទីថ្ងៃត្រង់ នៅលើផ្លូវជាតិលេខ៤ ចន្លោះគីឡូម៉ែត្រ១០៧-១០៨ ករណីគ្រោះថ្នាក់ចរាចរណ៍រវាងរថយន្ត០១គ្រឿង ម៉ាកFUSO ពណ៌បៃតង ស្លាកលេខភ្នំពេញ3F-6685 សណ្ដោងស៊ឺមីរ៉ឺម៉កស្លាកលេខកំពង់ស្ពឺ4A-0290 អ្នកបេីកបរមិនស្គាល់អត្ត្តសញ្ញាណ (រត់គេចខ្លួន) បេីកបរពីទិសខាងលិចទៅទិសខាងកេីត ដល់ចំណុចខាងលេី បានទៅបុកពីក្រោយរថយន្ត០១គ្រឿង ម៉ាកLEUXS RX300 ពណ៌ប្រផេះ ស្លាកលេខភ្នំពេញ2BF-7975 បេីកបរដោយឈ្មោះជិន ប៊ុនថន ភេទប្រុស អាយុ៤៦ឆ្នាំ រស់នៅភូមិបុរីកម្មករ សង្កាត់រកាធំ ក្រុងច្បារមន ខេត្តកំពង់ស្ពឺ រួចរថយន្ត០១គ្រឿង ម៉ាកFUSO ពណ៌បៃតង ពាក់ស្លាកលេខភ្នំពេញ3F-6685 សណ្ដោងស៊ឺមីរ៉ឺម៉កពាក់ស្លាកលេខកំពង់ស្ពឺ4A-0290 ចូលចំណែកផ្លូវម្ខាង (ខាងឆ្វេង) បន្តទៅបុករថយន្ត០១គ្រឿងទៀត ម៉ាកHYUNDAI ពណ៌ស ពាក់ស្លាកលេខភ្នំពេញ3F-6685 សណ្ដោងស៊ឺមីរ៉ឺម៉កពាក់ស្លាកលេខព្រះសីហនុ4A-3630 អ្នកបេីកបរមិនស្គាល់អត្តសញ្ញាណ (ចុះរត់គេចខ្លួន) ដែលកំពុងបើកបរបញ្ច្រាសទិសគ្នា។
ក្នុងករណីគ្រោះថ្នាក់ចរាចរណ៍ខាងលើមិនបណ្តាលឲ្យគ្រោះថ្នាក់ដល់មនុស្សនោះទេ បណ្ដាលឲ្យខូចខាតទ្រព្យសម្បត្តិតែប៉ុណ្ណោះ បច្ចុប្បន្នជំនាញចរាចរណ៍បានធ្វេីនីតិវិធីលេីដំណោះស្រាយ រវាងម្ចាស់រថយន្ដនិងរថយន្ដ៕
ប្រភព៖ ស្នងការដ្ឋាននគរបាលខេត្តកំពង់ស្ពឺ
