កោះកុង៖ ដោយមានការចង្អុលបង្ហាញពីលោកឧត្តមសេនីយ៍ទោ គង់ មនោ ស្នងការនគរបាលខេត្តកោះកុង កាលពីថ្ងៃទី១៧ ខែកក្ដដា ឆ្នាំ២០២៤ វេលាម៉ោង១១:០៦នាទី លោកវរសេនីយ៍ឯក យស់ ចាន់វិចិត្រ អធិការនគរបាលក្រុងខេមរភូមិន្ទ បានដឹកនាំផ្នែកប្រឆាំងបទល្មើសគ្រឿងញៀន បានចុះបង្ក្រាបករណីជួញដូរ រក្សាទុក និងប្រើប្រាស់នូវសារធាតុញៀនខុសច្បាប់នៅចំណុចផែបាក់ ស្ថិតក្នុងភូមិ៤ សង្កាត់ដងទង់ ក្រុងខេមរភូមិន្ទ រួចឃាត់ខ្លួនជនសង្ស័យចំនួន២នាក់ប្រុស មានឈ្មោះដូចខាងក្រោម៖
១.ឈ្មោះ ចយ តាវ (ហៅតាវ) ភេទប្រុស អាយុ៤៤ឆ្នាំ ជនជាតិខ្មែរ សញ្ជាតិខ្មែរ សាសនាព្រះពុទ្ធ មុខរបរកម្មករ ទីលំនៅភូមិ២ សង្កាត់ដងទង់។
២.ឈ្មោះ សួន និត (ហៅនិត) ភេទប្រុស អាយុ៤៤ឆ្នាំ ជនជាតិខ្មែរ មុខរបរកម្មករ ទីលំនៅភូមិ៤ សង្កាត់ដងទង់។
ក្រោយពីបានសួរនាំរួច ផ្នែកជំនាញក៏បានបន្ដការស្រាវជ្រាវឃាត់ខ្លួនជនសង្ស័យម្នាក់ទៀតប្រុសនៅចំណុចផ្លូវកៅស៊ូក្បែរកន្លែងលាងម៉ូតូ ស្ថិតក្នុងភូមិ៤ សង្កាត់ដងទង់ ក្រុងខេមរភូមិន្ទដែលមានឈ្មោះដូចខាងក្រោម÷
១.ឈ្មោះ ចាន់ តារា (ហៅខ្នុយ) ភេទប្រុស អាយុ៣៨ឆ្នាំ ជនជាតិខ្មែរ មុខរបរកម្មករ ទីលំនៅសង្កាត់ទឹកល្អក់១ ខណ្ឌទួលគោក ភ្នំពេញ។
+ដកហូតវត្ថុតាងរួមមាន៖
-ម្សៅក្រាមសថ្លាសង្ស័យជាសារធាតុញៀន ១១កញ្ចប់ធំ និង៣៨កញ្ចប់តូច
-ម៉ូតូ២គ្រឿង
-ទូរស័ព្ទដៃ៣គ្រឿង
ករណីនេះផ្នែកប្រឆាំងបទល្មើសគ្រឿងញៀនកំពុងបំពេញសំណុំរឿងបញ្ជូនទៅការិយាល័យជំនាញចាត់ការបន្តតាមនីតិវិធីច្បាប់៕
ប្រភព៖ អធិការដ្ឋាននគរបាលក្រុងខេមរភូមិន្ទ
