កំពង់ចាម៖ យោងតាមនាយកដ្ឋានជលសាស្ត្រ និងការងារទន្លេ បានអោយដឹងនៅថ្ងៃទី៣ ខែកក្កដានេះ ការវាស់កំពស់ទឹកនៅទន្លេមេគង្គ-កំពង់ចាម ឃើញមានការឡើងកំពស់ចំនួន ០,៣២ម៉ែត្រ
ខណៈដែលស្ថាននីយជលសាស្ត្រផ្សេងទៀតបានថយចុះ។
ការឡើងកំពស់នេះបានធ្វើអោយកំពស់ទឹកនៅកំពង់ចាមឡើងដល់ ៥,២៦ម៉ែត្រ។
ដោយឡែកនៅស្ថាននីយជលសាស្ត្រ ផ្សេងៗទៀតនិងមិនមានការកើនឡើងកំពស់ទឹកនោះទេ។ ដូចជា នៅស្ថាននីយជលសាស្ត្រ ទន្លេមេគង្គ-កោះខែល បានថយកំពស់ចំនួន ០,២៣ម៉ែត្រ ធ្វើអោយកំពស់ទឹកនៅសល់តែ ២,៧៤ម៉ែត្រ ខណៈដែលនៅស្ថាននីយជលសាស្ត្រ ទន្លេមេគង្គ-អ្នកលឿង បានថយកំពស់ចំនួន ០,១០ម៉ែត្រ ធ្វើអោយកំពស់ទឹកនៅសល់ តែ ២,០៤ម៉ែត្រ៕
