បាត់ដំបង៖ យោងតាមបទបញ្ជារបស់លោកឧត្តមសេនីយ៍ត្រី ហែម វុទ្ធី មេបញ្ជាការកងរាជវុធហត្ថខេត្តបាត់ដំបង នៅវេលាម៉ោង ១៦:១០ នាទី ថ្ងៃទី២៤ ខែមិថុនា ឆ្នាំ២០២៤ ដឹកនាំបញ្ជាផ្ទាល់ដោយលោកវរសេនីយ៍ត្រី សំ វិឡុង មេបញ្ជាការមូលដ្ឋានកងរាជអាវុធហត្ថស្រុកសង្កែ បានចុះបង្ក្រាបករណីជួញដូរដោយខុសច្បាប់នូវសារធាតុញៀន នៅត្រង់ចំណុចក្រុមទី២៥ ភូមិស្វាយស ឃុំតាប៉ុន ស្រុកសង្កែ ខេត្តបាត់ដំបងកម្លាំងកងរាជអាវុធហត្ថស្រុកសង្កែ ឃាត់ខ្លួនជនសង្ស័យចំនួន ៤នាក់៖
១-ឈ្មោះ អេង ម៉េងជីង ភេទប្រុស អាយុ១៧ ឆ្នាំរស់នៅភូមិតាប៉ុន ឃុំតាប៉ុន ស្រុកសង្កែ ខេត្តបាត់ដំបង ។
២-ឈ្មោះ ផា រង្សី ភេទប្រុស អាយុ២០ ឆ្នាំមុខរបរលក់ថ្នាំញៀន រស់នៅភូមិសម្តេច ឃុំតាប៉ុន ស្រុកសង្កែ ខេត្តបាត់ដំបង (ម្ចាស់ថ្នាំ)។
៣-ឈ្មោះ ម៉ុន សុចាន់ ភេទស្រី អាយុ ២២ ឆ្នាំមុរបរគ្មាន រស់នៅភូមិឃុំជាមួយគ្នា (ប្រពន្ធម្ចាស់ថ្នាំ)។
៤-ឈ្មោះ ចាក់ ជីវ័ន្ត ភេទប្រុស អាយុ១៦ ឆ្នាំមុខរបរកម្មករ រស់នៅភូមិតាប៉ុន ឃុំតាប៉ុន ស្រុកសង្កែ ខេត្តបាត់ដំបង ។
វត្ថុតាងដកហូត៖
- គ្រឿងញៀន (ម៉ាទឹកកកICE) ចំនួន៥ កញ្ចប់ ទម្ងន់ ៣.២៩ ក្រាម
– ប្រាក់ខ្មែរ ចំនួន ២០០,០០០ រៀល
– ប្រាក់ថៃ ចំនួន ១០០បាត
– ម៉ូតូចំនួន ០២ គ្រឿង
– ទូរស័ព្ឌដៃ ចំនួន០៣ គ្រឿង
– កាំបិតងុកដងដែក ចំនួន ០២ ដើម
- ដាវ ចំនួន ០៣ ដើម
– ខ្វែវ ចំនួន ០៤ ដើម
– ពូថៅ ចំនួន ០១ ដើម
- ឧបករណ៌ឆក់ត្រី ចំនួន ០១ គ្រឿង
បច្ចុប្បន្នជនសង្ស័យ រួមនឹងវត្ថុតាង កំពុងកសាងសំណុំរឿងដើម្បីចាត់ការតាមនីតិវិធី៕
ប្រភព៖ បញ្ជាការដ្ឋានកងរាជអាវុធហត្ថខេត្ដបាត់ដំបង
