ព្រះសីហនុ៖ កាលពីល្ងាចថ្ងៃទី០៨ ខែឧសភា ឆ្នាំ២០២៤ អ្នកឧកញ៉ា ទៀ វិចិត្រ បានចាត់បញ្ជូនក្រុមការងារជួយសង្គ្រោះ និងអូប័រ ចេញទៅអន្តរាគមន៍ជួយសង្គ្រោះជនរងគ្រោះចំនួន ២នាក់ ដែលជាប្រជានេសាទ ក្នុងឧប្បត្តិវហេតុមានភ្លៀងខ្យល់កន្ត្រាក់ បណ្តាលឲ្យទូកនេសាទចំនួនមួយគ្រឿង បានលិចកាលពីវេលាម៉ោងជាង៤ល្ងាច នៅចំណុច ខាងត្បូងកោះថាសប្រហែល ២០០០ម៉ែត្រ (២គីឡូម៉ែត្រ)។
អ្នកឧកញ៉ា ទៀ វិចិត្រ មានប្រសាសន៌ឲ្យដឹងថា ជនរងគ្រោះទាំង២ មានឈ្មោះ៖
១.ឈ្មោះ ម៉ិញ ផាច ភេទប្រុស ជនជាតិខ្មែរអាយុ៤៣ឆ្នាំ ជនជាតិខ្មែរ មុខរបរនេសាទ មានស្រុកកំណេីតភូមិព្រែកពាយ ស្រុកត្រាំកក់ ខេត្តតាកែវ បច្ចុប្បន្នស្នាក់នៅក្នុងទំនប់រលក ស្ថិតនៅភូមិ៣ សង្កាត់១ ក្រុង-ខេត្តព្រះសីហនុ ។
២-ឈ្មោះ គង់ ឌាំង ភេទប្រុស អាយុ៤៥ឆ្នាំ ជនជាតិខ្មែរ មុខរបរនេសាទ មានស្រុកកំណេីតនៅភូមិភ្នំខ្វាវ ឃុំកំពង់ទឹក ខេត្តកែប ។
បច្ចុប្បន្នជនរងគ្រោះខាងលើ ត្រូវបានក្រុមការងារសង្គ្រោះ GTVC របស់អ្នកឧកញ៉ា បញ្ជូនយកមកដល់ក្រុងព្រះសីហនុ ដោយសុវត្ថិភាព ក្នុងអ្នកឧញ៉ា ទៀ វិចិត្រ បានឧបត្ថម្ភជាថវិកា ចំនួន ១លានរៀល ដល់ជនរងគ្រោះទាំង២នាក់ ខាងលេីដេីម្បីដោះស្រាយជីវភាពផងដែរ៕
ប្រភព៖ ឡេង ប៊ុននី LENG BUNNY
