ភ្នំពេញ៖ អង្គការអុកស្វាម Oxfam បានសហការជាមួយសមាគមមីក្រូហិរញ្ញវត្ថុកម្ពុជា (Cambodia Microfinance Association) បានរៀបចំកិច្ចប្រជុំក្លឹបប្រតិបត្តិការ និងសិក្ខាសាលាស្តីពី តួនាទីហិរញ្ញប្បទានបៃតង ក្រោមជំនួយហិរញ្ញវិត្ថុពីរដ្ឋាភិបាលអៀរឡង់ (Irish Embassy in Vietnam)។ នេះបើតាមការឱ្យដឹងពីអង្គការអុកស្វាម Oxfamនៅរសៀលថ្ងៃទី០៧ ខែឧសភា ឆ្នាំ២០២៤។
ការបើកសិក្ខាសាលានេះ ដើម្បីរៀបចំកិច្ចប្រជុំក្លឹបប្រតិបត្តិការ ស្តីពី «តួនាទីហិរញ្ញប្បទានបៃតងនៃបរិយាបន្នហិរញ្ញវត្ថុ ក្នុងការលើកកម្ពស់ការបន្ស៊ាំនិងការប្រែប្រួលអាកាសធាតុ និងការកាត់បន្ថយហានិភ័យ»។កិច្ចប្រជុំ និងសិក្ខាសាលានេះ មានគោលបំណងចែករំលែកព័ត៌មានថ្មីៗ និងបញ្ហាប្រឈមដែលកំពុងកើតមានដែលជះឥទ្ធិពលដល់វិស័យមីក្រូហិរញ្ញវត្ថុនៅកម្ពុជា និងបញ្ហាប្រឈមនានា ដែលទាក់ទង នឹងហិរញ្ញវត្ថុបៃតង ក្នុងការរួមចំណែកដល់ការសម្របខ្លួនទៅនឹងការប្រែប្រួលអាកាសធាតុ និងការកាត់បន្ថយហានិភ័យក្នុងចំណោមអតិថិជន។
ក្នុងសិក្ខាសាលានេះ ជាពិសេសការផ្តោតសំខាន់ទៅលើរបៀបដែលហិរញ្ញវត្ថុ បៃតងអាចដើរតួនាទី ក្នុងការជំរុញបរិយាបន្នហិរញ្ញវត្ថុប្រកបដោយនិរន្តរភាព នៅក្នុងប្រទេសកម្ពុជា៕
ប្រភព៖ AKP
