ក្រចេះ៖ គម្រោងសាងសង់ស្ពានឆ្លងកាត់ទន្លេមេគង្គ ខេត្តក្រចេះ ដែលមានប្រវែង១ ៧៦១ ម៉ែត្រ ស្ថិតនៅស្រុកចិត្របុរី និងស្រុកព្រែកប្រសព្វ ជាមួយនឹងផ្លូវតភ្ជាប់ និងផ្លូវខ្នែង ទៅកាន់ក្រុងក្រចេះ ខេត្តក្រចេះ ដែលមានប្រវែងសរុប ៣៣,៤៥៩គីឡូម៉ែត្រ សម្រេចបាន ៣៦,២៤% ខណៈដែលស្ពាន «ឆ្លងកាត់ទន្លេមេគង្គ-ក្រចេះ» សម្រេចបាន ៤៩,១៨% ហើយ ដោយគិតត្រឹមដើមខែឧសភា ឆ្នាំ២០២៤ នេះ។
![May be an image of text](https://scontent.fpnh24-1.fna.fbcdn.net/v/t39.30808-6/438254144_758208883156775_8136634249183092401_n.jpg?_nc_cat=104&ccb=1-7&_nc_sid=5f2048&_nc_ohc=G14uw_YIE_UQ7kNvgH7yxPc&_nc_ht=scontent.fpnh24-1.fna&oh=00_AfBIOlJAWzCVPIjuoKz5vFBl9iyLBJBbYdf1g0etn6Id7A&oe=6640A900)
ស្ពានឆ្លងកាត់ទន្លេមេគង្គនេះ បានប្រើប្រាស់ឥណទានសម្បទានពីរដ្ឋាភិបាល នៃសាធារណរដ្ឋប្រជាមានិតចិន និងបានសម្ពោធបើកការដ្ឋានសាងសង់ កាលពីថ្ងៃទី២ ខែមករា ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម វ៉ាង វិនធៀន (Wang Wentian) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា ហើយគម្រោងទាំងមូលគ្រោងនឹងបញ្ចប់ការសាងសង់ឱ្យបានមុនខែកញ្ញា ឆ្នាំ២០២៦ ខាងមុខនេះ៕
ប្រភព៖ ក្រសួងសាធារណការ និងដឹកជញ្ជូន
![May be an image of 1 person](https://scontent.fpnh24-1.fna.fbcdn.net/v/t39.30808-6/438299350_758208763156787_2750314859915599045_n.jpg?_nc_cat=109&ccb=1-7&_nc_sid=5f2048&_nc_ohc=BN4c2TjiaBwQ7kNvgFG_Mwl&_nc_ht=scontent.fpnh24-1.fna&oh=00_AfD37dEDBUOg1aSW8H0Vboykh1A--aJZ86U8DSuEr4yR-Q&oe=6640C1AE)