ព្រះសីហនុ៖ កាលពីវេលាម៉ោង ៥:១០នាទីល្ងាច ថ្ងៃទី២១ ខែមេសា ឆ្នាំ២០២៤ មានករណីផ្ទុះគ្រាប់ផ្លោងមួយបានកើតឡើងនៅចំនុចដេប៉ូខ្សាច់ គឹមលាង ក្រុម១១ ភូមិ១ សង្កាត់លេខ១ ក្រុង-ខេត្តព្រះសីហនុ។
ជនរងគ្រោះមានឈ្មោះ វុទ្ឋី ភេទប្រុស អាយុ៤៧ឆ្នាំ មុខរបរកម្មករលើកឥដ្ឋខ្សាច់ បានយកគ្រាប់ផ្លោង១០៥mm មកដំបណ្តាលឲ្យផ្ទុះស្លាប់ខ្លួន។ បច្ចុប្បន្នសាកសព រក្សានៅកន្លែងកើតហេតុ ដើម្បីឲ្យនគរបាលបច្ចេកទេសវិទ្យាសាស្ត្រ ធ្វើការពិនិត្យ៕
