ព្រះវិហា៖ តាមស្ថិតិរបស់អាជ្ញាធរជាតិព្រះវិហារ បានឱ្យដឹងនៅល្ងាចថ្ងៃអង្គារ ៨កើត ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី១៦ ខែមេសា ឆ្នាំ២០២៤ថា មានភ្ញៀវទេសចរជាតិ និងភ្ញៀវទេសចរបរទេស ដែលបានចូលមកទស្សនាប្រាសាទ និងចូលរួមលេងល្បែងប្រជាប្រិយខ្មែរ រាំលេងកម្សាន្ត ក្នុងកម្មវិធីសង្ក្រាន្តកោះកេរ និងសង្ក្រាន្តព្រះវិហារ ចំនួន ១២ ៨១៤ នាក់ ។
ស្ថិតិដដែលបង្ហាញថា ភ្ញៀវទេសចរជាតិ និងភ្ញៀវទេសចរបរទេស ដែលបានចូលមកទស្សនាប្រាសាទ និង ចូលរួមលេងល្បែងប្រជាប្រិយខ្មែរ រាំលេងកម្សាន្តក្នុងកម្មវិធីសង្ក្រាន្តកោះកេរ និងសង្ក្រា ន្តព្រះវិហារ ថ្ងៃទី៣ នៃពិធីបុណ្យចូលឆ្នាំថ្មីប្រពៃណីជាតិខ្មែរ មានចំនួន ៨ ៦៧០នាក់ ក្នុងនោះនៅរមណីយដ្ឋានប្រាសាទកោះកេរ ទទួលភ្ញៀវទេសចរជាតិសរុប ៦ ៤៣៧នាក់,នៅរមណីយដ្ឋានប្រាសាទព្រះវិហារ ទទួលភ្ញៀវទេសចរសរុបចំនួន ១ ៨៦១នាក់ ។ ដោយឡែកនៅថ្ងៃទី៤ ជាថ្ងៃចុងក្រោយ នៃពិធីបុណ្យចូលឆ្នាំថ្មីប្រពៃណីជាតិខ្មែរ មានភ្ញៀវទេសចរចូលទស្សនាសរុបចំនួន ៤ ៥១៦ នាក់, នៅរមណីយដ្ឋានប្រាសាទកោះកេរ ទទួលភ្ញៀវទេសចរជាតិសរុប ៣ ៣៩៧នាក់,រមណីយដ្ឋានប្រាសាទព្រះវិហារ ទទួលភ្ញៀវទេសចរ សរុបចំនួន ១ ១១៩នាក់ ៕
ប្រភព៖ AKP
