ភ្នំពេញ៖ ប៉ុស្តិ៍នគរបាលរដ្ឋចាក់អង្រែលើឃាត់ខ្លួនជនសង្ស័យ ០១នាក់ ពាក់ព័ន្ធករណីអំពើលួច (ម៉ូទ័រស្វានចំនួន០២គ្រឿង ត្រចៀកទ្វារចំនួន១០ឈុត កាវបាញ់ចំនួន៣ ដងបាញ់កាវចំនួន១)។
ក្នុងនោះជនសង្ស័យមានឈ្មោះ គង់ សុផាន់និត ភេទប្រុស អាយុ ៣៧ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះគ្មានលេខ ភូមិព្រែកតាគង់៣ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ មានផ្ទុកសាធាតុញៀន (ឃាត់ខ្លួន)។
គួរបញ្ជាក់ថានៅថ្ងៃទី២៦ ខែមីនា ឆ្នាំ២០២៤ វេលាម៉ោង ១៥:០០នាទី ជនរងគ្រោះបានដាក់សំភារ:គ្រឿងសំណង់ក្នុងបាវទុកនៅលើរម៉ក់កន្លែងឃ្លាំងលេខ១២៩៣ ភូមិព្រែកតាគង់២ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ដោយមិនបានចាក់សោឃ្លាំងឡើយ រហូតដល់ថ្ងៃទី២៧ ខែ០៣ ឆ្នាំ២០២៤ វេលាម៉ោង ០៧:៣០នាទីព្រឹក ជនរងគ្រោះទៅយកសំភារ:ទៅធ្វើការទើបដឹងថាបាត់ទើបឆែកកាំមេរ៉ាមើលបានឃើញមានគេចូលលួច ទើបជនរងគ្រោះឡើងមកស្នាក់ការប៉ុស្តិ៍ចាក់អង្រែលើដើម្បីដាក់បណ្ដឹងទើបសមត្ថកិច្ចធ្វើកាស្រាវជ្រាវរហូតដល់ថ្ងៃទី២៨ ខែមីនា ឆ្នាំ២០២៤ វេលាម៉ោង១០:០០នាទីកម្លាំងសមត្ថកិច្ចប៉ុស្ដិ៍ចាក់អង្រែលើ ធ្វើកាល្បាតនៅក្នុងមូលដ្ឋានរហូតដល់ចំនុចផ្លូវបេតុង ភូមិព្រែកតាគង់៣ សង្កាត់ចាក់អង្រែលើ ខណ្ឌមានជ័យ ក៏ឃើញជនសង្ស័យកំពុងឈរលើផ្លូវក៏បានឃាត់ខ្លួនយកមកទីស្នាក់ការប៉ុស្តិ៍ដើម្បីធ្វើកាសាក់សួរ។
បច្ចុប្បន្នជនសង្ស័យខាងលើ កំពុងឃាត់ខ្លួននៅអធិការដ្ឋានខណ្ឌមានជ័យ ដើម្បីកសាងសំណុំរឿងចាត់ការតាមនីតិវិធីច្បាប់៕
ប្រភព៖ ប៉ុស្តិ៍នគរបាលរដ្ឋបាលចាក់អង្រែលើ
