កំពង់ឆ្នាំង៖ ដោយបានការអនុញ្ញាតពីលោកឧត្តមសេនីយ៍ត្រី សាក់ សារ៉ាង មេបញ្ជាការ កងរាជអាវុធហត្ថខេត្តកំពង់ឆ្នាំង និងមានការសម្របសម្រួលពី ឯកឧត្តម ឯក ស៊ុនរស្មី ព្រះរាជអាជ្ញាអមសាលាដំបូងខេត្តកំពង់ឆ្នាំង។ តាមពាក្យបណ្តឹងរបស់ឈ្មោះ អុឹម ចាន់ថន ភេទប្រុស អាយុ៣៦ឆ្នាំ មុខរបរកសិករ មានទីលំនៅបច្ចុប្បន្ន្ន នៅភូមិដើមពពេល ឃុំថ្មឥដ្ឋ ស្រុកកំពង់ត្រឡាច ខេត្តកំពង់ឆ្នាំង ជាឪពុករបស់ជនរងគ្រោះ និងយោងតាមបទល្មើសជាក់ស្តែង។
នៅវេលាម៉ោង០៩:៣០នាទីព្រឹក ថ្ងៃទី២៥ ខែឧសភា ឆ្នាំ២០២៣ កម្លាំងមូលដ្ឋានកងរាជអាវុធហត្ថស្រុកកំពង់ត្រឡាច ខេត្តកំពង់ឆ្នាំង ចំនួន០៩នាក់ មធ្យោបាយរថយន្ត០១គ្រឿង ម៉ូតូ០៥គ្រឿង ដឹកនាំដោយលោកវ.ត្រី រស់ វុទ្ធា មេបញ្ជាការ មូលដ្ឋានអ.ហស្រុក បានចុះបង្ក្រាបករណីហឹង្សាដោយចេតនា និងបំផ្លិចបំផ្លាញទ្រព្យសម្បត្តិអ្នកដទៃនៅចំណុចមុខធនាគារ ACLEDA ស្ថិតក្នុងភូមិកាអត ឃុំពានី ស្រុកកំពង់ត្រឡាច ខេត្តកំពង់ឆ្នាំង។
លទ្ធផល៖ ឃាត់ខ្លួនជនសង្ស័យចំនួន ០២នាក់ ៖
១.ឈ្មោះ ស្លេះ រ៉សាលី ភេទប្រុស អាយុ ១៧ឆ្នាំ ។
២.ឈ្មោះ មុីត ស៊ូទី ភេទប្រុស អាយុ១៩ឆ្នាំ (អ្នកទាំងពីររស់នៅភូមិកំពង់ត្រឡាចក្រោម ឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង) ។
វត្ថុតាងដកហូតរួមមាន៖
១.ម៉ូតូ ០១គ្រឿង ម៉ាកHONDA C125 ពណ៌ខ្មៅ ស្លាកលេខ បាត់ដំបង 1J-5479 ។
២.កាំបិតផ្គាក់ចំនួន០១(បាក់ដង)
៣.ទូរស័ព្ទដៃចំនួន០២គ្រឿង ម៉ាក OPPO ០១គ្រឿង និងVivo ០១គ្រឿង ។
បច្ចុប្បន្នជនសង្ស័យ ត្រូវបានបញ្ជូនមកការិយាល័យជំនាញ អ.ហខេត្ត និងបានកសាងសំណុំរឿង បញ្ជូនទៅអយ្យការអមសាលាដំបូងខេត្តកំពង់ឆ្នាំង នារសៀលថ្ងៃទី២៦ ខែឧសភា ឆ្នាំ២០២៣៕
ប្រភព៖ បញ្ជាការដ្ឋាន កងរាជអាវុធហត្ថខេត្តកំពង់ឆ្នាំង
