បាត់ដំបង៖ នៅថ្ងៃទី២៦ ខែឧសភា ឆ្នាំ២០២៣ វេលាម៉ោង១០:៥០នាទី នៅចំណុចក្រុមទី០៤ ភូមិអូរញរ ឃុំបឹងព្រីង ស្រុកថ្មគោល មានករណីបទហិង្សាដោយចេតនា មានស្ថានទម្ងន់ទោស (ប្រើដំបងដែកទីបវាយ) មួយកើតឡើង បង្កដោយជនសង្ស័យឈ្មោះ ឌៀប វុទ្ធី ភេទប្រុស អាយុ២៩ឆ្នាំ (ត្រូវជាចៅ រស់នៅផ្ទះជិតគ្នា) ស្ថិតនៅភូមិអូរញរ ឃុំបឹងព្រីង ស្រុកថ្មគោល ខេត្តបាត់ដំបង បានធ្វើសកម្មភាពយកដំបងដែកទីបជ្រុង វាយលេីជនរងគ្រោះឈ្មោះ ក ស ង ភេទស្រី អាយុ៧៤ឆ្នាំ (ត្រូវជាយាយបង្កេីត) ចំនួន០២ដំបង បណ្ដាលអោយរងរបួសរយះ បែកក្បាលហូរឈាមផ្នែកខាងលើ រួចត្រូវបានប្រជាពលរដ្ឋអ្នកជិតខាង ជួយជូនជនរងគ្រោះទៅព្យាបាលនៅមន្ទីរពេទ្យមង្គលបូរី ខេត្តបន្ទាយមានជ័យ ។ មូលហេតុដោយជនសង្ស័យទៅដេកនៅខាងមុខផ្ទះរបស់ជនរងគ្រោះ ហើយជនរងគ្រោះបានដេញមិនឲ្យដេក ភ្លាមនោះស្រាប់តែជនសង្ស័យខឹង ក៍ទាញដំបងដែកទីបវាយក្បាលជនរងគ្រោះតែម្ដង ។
ភ្លាមៗនោះ ដោយអនុវត្តតាមបទបញ្ជាដ៍ខ្ពង់ខ្ពស់របស់ឯកឧត្តមឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង និងមានការចង្អុល បង្ហាញពីលោកឧត្តមសេនីយ៍ត្រី លឹម ពុទ្ធីឡា ស្នងការរងផែនការងារនគរបាលព្រហ្មទណ្ឌនៃស្នងការដ្ឋាននគរបាលខេត្តបាត់ដំបង និងបញ្ជាផ្ទាល់ពីលោកវរសេនីយ៍ទោ
សេង លុច អធិការនគរបាលស្រុកថ្មគោល កម្លាំងជំនាញផ្នែកនគរបាលយុត្តិធម៌ ដឹកនាំដោយលោកអនុសេនីយ៍ឯក គឹម វណ្ណី អធិការរងជំនួយការដឹកនាំផ្នែកយុត្តិធម៌ សហការ ជាមួយប៉ុស្តិ៍នគរបាលរដ្ឋបាលបឹងព្រីង ចុះទៅដល់កន្លែងកើតហេតុ បង្ក្រាប និងឃាត់ខ្លួនជនសង្ស័យខាងលើ និងដកហូតសម្ភារ:តាង ដំបងដែកទីបជ្រុងចំនួន ០១ ប្រវែង៨០សង់ទីម៉ែត្រ យកមកអធិការដ្ឋាននគរបាលស្រុកថ្មគោល ដើម្បីកសាងសំណុំរឿង បញ្ជូនទៅការិយាល័យជំនាញខេត្ត ចាត់ការតាមនីតិវិធី ៕
ប្រភព៖ អធិការដ្ឋាននគរបាល ស្រុកថ្មគោល
