កោះកុង៖ ថ្ងៃសុក្រ ១រោច ខែវិសាខ ឆ្នាំថោះ បញ្ចស័ក ព.ស ២៥៦៦ ត្រូវនិងថ្ងៃទី៥ ខែឧសភា ឆ្នាំ២០២៣ វេលាម៉ោង ១០និង៤០នាទី ព្រឹកមានករណីគ្រោះថ្នាក់ចរាចរផ្លូវគោគកើតឡើងរវាង រថយន្ត និងម៉ូតូ ស្ថិតនៅភូមិអន្លង់វ៉ាក់ ឃុំតាតៃក្រោម ស្រុកកោះកុង ខេត្តកោះកុង ចំនុចចន្លោះគីឡូម៉ែត្រលេខ១៣៣-១៣៤ លើផ្លូវជាតិ៤៨ ទិសដៅស្របគ្នា ដល់ចំណុចកើតហេតុ រថយន្តបានបន្ថយល្បឿនដើម្បីបត់ឆ្វេង ចំណែកម៉ូតូបានជិះទៅបុករថយន្តពីក្រោយ ។
អ្នកបើកម៉ូតូ ឈ្មោះ យិន លក្ខិណា ស្រីអាយុ ៣៥ឆ្នាំ មានទីលំនៅក្រុងខេមរភូមិន្ទ ខេត្តកោះកុង ម៉ូតូម៉ាកscoopy ពណ័ស ពាក់ស្លាកលេខ កម្រង 1C9522 (រងរបួសធ្ងន់)។ អ្នកបើកបររថយន្តឈ្មោះ នៅ លុយ ភេទប្រុស អាយុ ៤៧ឆ្នាំ ទីលំនៅបច្ចុប្បន្ន ខេត្តកោះកុង បើករថយន្តម៉ាក GONGFENG ពណ៍ ស ស្លាកលេខ AT23 (3-4526) របស់ក្រុម អ៊ីលស៊ុងកូរ៉េ ធ្វើផ្លូវ៤៨ ក្រោយកើតហេតុជនរងគ្រោះបានបញ្ជូនទៅមន្ទីរពេទ្យបង្អែកខេត្ត ។
ចំពោះមូលហេតុ អ្នកបើកម៉ូតូខ្វះការប្រុងប្រយ័ត្ន។ បច្ចុប្បន្ន រថយន្តនិងម៉ូតូ សមត្ថកិច្ចយើងយកមករក្សាទុកអធិការដ្ឋាន នគរបាលស្រុកកោះកុង ៕
ប្រភព៖ នាយកដ្ឋានផ្សព្វផ្សាយអប់រំ
