ព្រះសីហនុ៖ មានករណីគ្រោះថ្នាក់ចរាចរណ៍រថយន្ត៣គ្រឿងបុកប៉ះគ្នានៅផ្លូវស្តុបចំណោតរ៉ា ក្នុងសង្កាត់លេខ៣ ក្រុងព្រះសីហនុ វេលាម៉ោង២រសៀល ថ្ងៃទី០៦ ខែឧសភា ឆ្នាំ២០២៣នេះ ក្នុងនោះមានរថយន្តព្រូសមួយគ្រឿង រថយន្តសាន់យ៉ុងមួយគ្រឿង និងរថយន្តស្ទូចមួយគ្រឿង។
យោងតាមរបាយការណ៍បឋមពីនគរបាលចរាចរណ៍បញ្ជាក់ថា ករណីនេះមិនមានមនុស្សរងរបួសនោះទេ គ្រាន់តែខូចខាតរថយន្ត។ ក្រោយកើតហេតុ នគរបាលចរាចរណ៍បានចុះអន្តរាគមន៍ និងវ៉ាស់វែងយកទៅដោះស្រាយតាមនិតិវិធី៕
ប្រភព៖ ឡេង ប៊ុននី Leng Bunny
