បាត់បង៖ កាលពីថ្ងៃអង្គារ ៥កើត ខែពិសាខ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី២៥ ខែមីនា ឆ្នាំ២០២៣ នគរបាលជំនាញផ្នែកព្រហ្មទណ្ឌ័ នៃអធិការដ្ឋាននគរបាលក្រុងបាត់ដំបង បានទទួលពាក្យបណ្ដឹងពីម្ដាយជនរងគ្រោះឈ្មោះ អ៊ុន ណារ៉េត ភេទស្រី អាយុ ៤១ឆ្នាំ មានទីលំនៅភូមិអូរតាគាំ១ សង្កាត់ទួលតាឯក ក្រុងបាត់ដំបង ខេត្តបាត់ដំបង មានករណីរំលោភសេពសន្ថវៈមួយកើតឡើង ត្រង់ចំណុចក្រុមទី០៣ ភូមិអូរតាគាំ១ សង្កាត់ទួលតាឯក ក្រុងបាត់ដំបង ខេត្តបាត់ដំបង លើជនរងគ្រោះឈ្មោះ អ ល-ហ ភេទស្រី អាយុ ២០ឆ្នាំ ដែលមានសតិវិបល្លាស។
ករណីនេះ ដោយអនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកស្រីឧត្តមសេនីយ៍ត្រី រស់ ជីវី ស្នងការរងទទួលការងារប្រឆាំងការជួញដូរនិងការពារអនីតិជន និងមានការសម្របសម្រួលនិតីវិធីពីឯកឧត្តម កែវ សុជាតិ ព្រះរាជអាជ្ញាអមសាលាដំបូងខេត្តបាត់ដំបង កម្លាំងអធិការដ្ឋាននគរបាលក្រុងបាត់ដំបង ដឹកនាំកម្លាំងដោយលោកវរសេនីយ៍ឯក ពេជ្រ សារ៉ែន អធិការក្រុង ចុះធ្វើការស៊ើបអង្កេតស្រាវជ្រាវ បានធ្វើការឃាត់ខ្លួនជនសង្ស័យម្នាក់ឈ្មោះ វ៉ាន់ ថា ហៅ មឿក ភេទប្រុស អាយុ ៣០ឆ្នាំ មានទីលំនៅភូមិអូរតាគាំ១ សង្កាត់ទួលតាឯក ក្រុងបាត់ដំបង ខេត្តបាត់ដំបង មកកាន់អធិការដ្ឋាននគរបាលក្រុងបាត់ដំបងដើម្បីធ្វើការសាកសួរ។ ក្រោយឃាត់ខ្លួនសមត្ថកិច្ចបានធ្វើការសួរចម្លើយ ជនសង្ស័យឆ្លើយសារភាពថាខ្លួនពិតជាបានធ្វើសកម្មភាពរំលោភលើជនរងគ្រោះក្នុងបន្ទប់ជួលរបស់យាយខ្លួននៅចំនុចកើតហេតុពិតប្រាកដមែន។
បច្ចុប្បន្ន កម្លាំងនគរបាលក្រុងបាត់ដំបងកំពុងកសាងសំណុំរឿងបញ្ចូនមកការិយាល័យជំនាញខេត្ត ដើម្បីចាត់បន្តតាមនីតិវិធី-ច្បាប់៕
ប្រភព៖ នាយកដ្ឋានផ្សព្វផ្សាយអប់រំ
