ព្រះវិហារ៖ ប្រតិបត្តិការបង្ក្រាបបទល្មើសឆក់ ក្រោមការចង្អុលដឹកនាំពីលោកឧត្ដមសេនីយ៍ទោ សួស សុខដារ៉ា ស្នងការនគរបាលខេត្ត ចុះស្រាវជ្រាវបង្ក្រាបយ៉ាងក្តៅគគុក។ នៅថ្ងៃទី២១ ខែមេសា ឆ្នាំ២០២៣ ក្រោយពីបានទទួលពាក្យបណ្តឹងពីប្រជាពលរដ្ឋ ថាមានករណីឆក់កាបូបកាលពីថ្ងៃទី១៩ ខែមេសា ឆ្នាំ២០២៣ នៅចំណុចគីឡូម៉ែត្រ139-140 លើផ្លូវជាតិ62 ស្ថិតនៅភូមិសេដ្ឋកិច្ច ឃុំឈានមុខ ស្រុកត្បែងមានជ័យ មានក្រុមក្មេងមិនស្គាល់អត្តសញ្ញាណមានគ្នាចំនួន ៤នាក់ ម៉ូតូ២គ្រឿង បានធ្វើសកម្មភាពឆក់ តែមិនបានសម្រេច ហើយបណ្តាលអោយដួលម៉ូតូជនរងគ្រោះធ្ងន់ធ្ងរ។
ក្រោយពីទទួលបណ្តឹង នឹងទទួលរបាយការណ៍ពីលោកអធិការនគរបាលស្រុកត្បែងមានជ័យ បានសហការជាមួយកំលាំងជំនាញខេត្ត ដើម្បីធ្វើការស្រាវជ្រាវ ប្រមូលព័ត៌មានជាបន្ទាន់ តាមបទបញ្ជា របស់លោកស្នងការនគរបាលខេត្ត រហូតឈានដល់ការកំណត់មុខសញ្ញានឹងចាប់ខ្លួនជនសង្ស័យបានចំនួន៤នាក់ ម៉ូតូចំនួន២គ្រឿងនៅថ្ងៃទី២២ ខែមេសា ឆ្នាំ២០២៣ ជនទាំង៤នាក់សមត្ថកិច្ចជំនាញ៕
ប្រភព៖ ស្នងការដ្ឋាននគរបាលខេត្តព្រះវិហារ
