ប៉ៃលិន៖ ថ្ងៃព្រហស្បតិ៍១រោច ខែចេត្រ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី៦ ខែមេសា ឆ្នាំ២០២៣ នៅវេលាម៉ោង១៤និង៥០នាទី មានករណីគ្រោះថ្នាក់ចរាចរណ៍រវាងម៉ូតូនិងម៉ូតូ(បើកបរស្របទិសគ្នា) ចំនួន០១ករណី ស្ថិតនៅចំណុចមុខផ្សារតាប៉ាច ស្ថិតនៅភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន បណ្ដាលឲ្យមនុស្សរងរបួសស្រាល ចំនួន០២នាក់ និងខូចខាតម៉ូតូ ចំនួន០២គឿង(កម្រិតស្រាល)។
ភាគីបេីកបរម៉ូតូទី១ មានឈ្មោះ សាំ សោវី ភេទស្រី អាយុ២៧ឆ្នាំ រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិនបើកបរម៉ូតូម៉ាកហុងដាទ្រីម ពណ៌ខ្មៅ សេរីឆ្នាំ២០១៩ ស្លាកលេខបាត់ដំបង 1AF-3135 (របួសស្រាល )។
ភាគីបេីកបរម៉ូតូទី២ មានឈ្មោះ រស់ រ៉ាឌី ភេទប្រុស អាយុ២៥ឆ្នាំ រស់នៅភូមិបរយ៉ាខា សង្កាត់ ប៉ៃលិន ក្រុងប៉ៃលិន ខេត្តប៉ៃលិនបើកបរម៉ូតូម៉ាកហុងដាទ្រីម សេរីឆ្នាំ ២០០៧ ពណ៌ខ្មៅគ្មានស្លាកលេខ(របួសស្រាល)។
បច្ចុប្បន្ន៖ ជនរងគ្រោះត្រូវបានបញ្ជូនទៅព្យាបាលនៅមន្ទីរពេទ្យបង្អែកខេត្តប៉ៃលិន ចំណែកវត្ថុតាងត្រូវបានដកហូតយកមករក្សាទុកនៅស្នាក់ការប៉ុស្តិ៍រងចាំដោះស្រាយតាមនីតិវិធីច្បាប់៕
ប្រភព៖ នាយកដ្ឋានផ្សព្វផ្សាយអប់រំ
