ព្រះសីហនុ៖ បុរសម្នាក់ត្រូវរងរបួសរលាកភ្លើងធ្ងន់ធ្ងរ ក្នុងហេតុការណ៍អគ្គិភ័យឆាបឆេះផ្ទះពលរដ្ឋលក់ដូរ និងលក់សាំងដបមួយកន្លែង នៅម្តុំជិតស្ថានីយ៌រថភ្លើង ក្នុងក្រុងព្រះសីហនុ កាលពីវេលាម៉ោងជិត១០ព្រឹកថ្ងៃទី២៩ ខែមីនាឆ្នាំ២០២៣នេះ។ ចំពោះករណីនេះ សមត្ថកិច្ចបានធ្វើការជួយអន្តរាគមន៌ពន្លត់ទាន់ពេលវេលា ដោយមិនរាលដាលបន្តនោះទេ។
សមត្ថកិច្ចបានប្រាប់អោយដឹងថា ម្ចាស់ផ្ទះឈ្មោះ ម៉ៅ ម៉ាឡៃ ភេទស្រី អាយុ ៧០ ឆ្នាំជនជាតិខ្មែរ ចំណែកបុរសម្នាក់ដែលរបួសធ្ងន់ ឈ្មោះ គង់ សុីថា ប្រុស អាយុ ៥៧ ឆ្នាំជនជាតិខ្មែរ បច្ចុប្បន្នបាន បញ្ចូនទៅស ង្គ្រោះនៅមន្ទីរពេទ្យរាជធានីភ្នំពេញ ។ ករណីនេះក៏បណ្តាលឲ្យខូចខាតម៉ូតូ មួយគ្រឿង ពណ៌ខ្មៅម៉ាក HONDA Dream ហើយបើតាមសមត្ថកិច្ចបញ្ជាក់ថាមូលហេតុ បណ្តាលមកពីមានអ្នកដំណើរម្នាក់ ចូលមកទិញបារីជក់ហើយកេះដែកកេះក្បែរដបសាំងដែលដាក់លក់មុខផ្ទះ បណ្ដាលឲ្យឆាបឆេះជាអគ្គិភ័យ ហើយករណីនេះ សមត្ថកិច្ចដោះស្រាយបន្តតាមនិតិវិធី៕
ប្រភព៖ Huy Bunleng News
