មណ្ឌលគិរី៖ ដោយបានទទួលពាក្យបណ្ដឹង របស់ ម្ដាយស្ត្រីដែលជាជនរងគ្រោះ ឈ្មោះ ឡ រ ត ន ភេទស្រី អាយុ១០ឆ្នាំ ស្ដីពីករណី ឪពុកចុង ដែលត្រូវជាប្ដីក្រោយ របស់ខ្លួន អាយុ២៥ឆ្នាំ មុខរបរ មិនពិតប្រាកដ បានបំពារបំពានទៅលើកូនស្រីបង្កើតរបស់ខ្លួនកាលពីព្រឹក ថ្ងៃទី២៥ ខែមីនា ឆ្នាំ២០២៣ ដោយមានការចង្អុលបង្ហាញ ដ៏ខ្ពង់ខ្ពស់របស់លោកឧត្ដមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី និងយោងទៅលើច្បាប់បង្ការនិងបង្ក្រាបបទល្មើសប្រឆាំងការជួញដូរមនុស្សគ្រប់ទម្រង់ របស់អគ្គស្នងការនគរបាលជាតិ ដើម្បីអនុវត្តបង្ការបង្ក្រាប ។ ក្រោយពីទទួលបានបទបញ្ជារ របស់លោកឧត្ដមសេនីយ៍ទោ ស្នងការនគរបាលខេត្ត និងដោយមានការសម្របសម្រួលរបស់លោក ស៊ាវ ងីឈាន់ ព្រះរាជអាជ្ញារងអមសាលាដំបូងខេត្តមណ្ឌលគិរី ភ្លាមលោកស្រីឧត្តមសេនីយ៍ត្រី ហួន គឹមហេង ស្នងការរង ទទួលផែនការងារប្រឆាំងការជួញដូរមនុស្ស និងការពារអនីតិជន បានដឹកនាំកម្លាំង ដែលមាន លោកនាយការិយាយល័យ និងសហការីក្នុងផែន សហការជាមួយលោកអធិការកម្លាំងនគរបាល មេប៉ុស្តិ៍ពូជ្រៃ ស្រុកពេជ្រាដាបានចុះប្រតិបត្តិការបង្ក្រាបករណីរំលោភសេពសន្ថវ: មានស្ថានទម្ងន់ទោស កើតឡើងនៅចំណុចភូមិពូតាង ឃុំពូជ្រៃ ស្រុកពេជ្រាដាខេត្តមណ្ឌលគិរី ហើយក៏បានឃាត់ខ្លួនជនសង្ស័យ០១នាក់ មានឈ្មោះ សន ណារ៉ុង ភេទប្រុស អាយុ២៩ឆ្នាំ ដែលបានប្រព្រឹត្តមកលើកូនស្រីចុង ឈ្មោះ ឡ រ ត ន ភេទស្រី អាយុ១០ឆ្នាំ គ្រប់ពេលធ្វើកម្មភាពប្រព្រឹត្ត មកលើកូនស្រីចុង គឺឆ្លៀតពេលដែលម្តាយជនរងគ្រោះមិននៅផ្ទះ ។
ហើយពេលដែលជនសង្ស័យធ្វើសកម្មភាពបានសម្រេច ម្ដងៗគឺតែងតែនិយាយគំរាមសំលាប់ បើសិនជាជនរងគ្រោះ ហ៊ាននិយាយរឿងនេះប្រាប់ម្តាយ ឬ អ្នកដទៃ។
បច្ចុប្បន្នជនសង្ស័យ ខាងលើត្រូវបានកំលាំងសមត្ថកិច្ច ការិយាល័យប្រឆាំងការជួញដូរមនុស្ស និងការពារអនីតិជន បានកសាងសំណុំរឿង និងបញ្ជូនទៅអយ្យាការអមសាលាដំបូងខេត្តមណ្ឌលគិរី ដើម្បីចាត់ការទៅតាមនីតិវិធីច្បាប់៕
ប្រភព៖ នាយកដ្ឋានផ្សព្វផ្សាយអប់រំ
