កោះកុង៖ នៅថ្ងៃទី១៣ ខែកុម្ភៈ ឆ្នាំ២០២៣ វេលាម៉ោង២១:៤៥នាទី ផ្នែកជំនាញនគរបាលយុត្តិធម៍ សហការជាមួយប៉ុស្ដិ៍នគរបាលរដ្ឋបាលស្មាច់មានជ័យ បានឃាត់ខ្លួនជនសង្ស័យម្នាក់នៅចំនុចរង្វង់មូលស្តូក ស្ថិតនៅភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។
ជនសង្ស័យឈ្មោះ អែម ឡេង ហៅ វ៉ូច ភេទប្រុស អាយុ២៦ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបច្ចុប្បន្ន ភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង តាមដីកាបង្គាប់ឲ្យចាប់ខ្លួនលេខ៤៧/២០២២ របស់លោកចៅក្រម ងួន ធីរៈ ចុះថ្ងៃទី១៧ ខែវិច្ឆិកា ឆ្នាំ២០២២ ។ ជនសង្ស័យត្រូវបានកម្លាំងផ្នែកព្រហ្មទណ្ឌក្រុងខេមរភូមិន្ទបញ្ជូនទៅការិយាល័យជំនាញដើម្បីចាត់ការតាមនីតិវិធីច្បាប់៕
