ពោធិ៍សាត់៖ រដ្ឋបាលខេត្តពោធិ៍សាត់ មានកិត្តិយសសូមជម្រាបជូន សាធារណជន និងបងប្អូនប្រជាពលរដ្ឋទាំងអស់ ភ្ញៀវទេសចរជាតិ និងអន្តរជាតិ ឱ្យបានជ្រាបថា រដ្ឋបាលខេត្ត នឹងរៀបចំព្រឹត្តិការណ៍អបអរសាទរខួបលើទី៤៤ នៃទិវា ជាតិជ័យជំនះ ៧មករា និងពិធីឆ្លងឆ្នាំសកល ២០២២ ឈានចូល ២០២៣ ដែលនឹងប្រព្រឹត្តទៅនាថ្ងៃសៅរ៍ ៩កើត ខ បុស្ស ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៣១ ខែធ្នូ ឆ្នាំ២០២២ វេលាម៉ោង ១៦:០០នាទីរសៀល នៅលើបុរី វប្បធម៌កោះសំពៅមាស ក្រុងពោធិ៍សាត់។ ជាមួយនឹងកម្មវិធីកំសាន្តសប្បាយជាច្រើន ដែលរដ្ឋបាលខេត្តបានត្រៀម លក្ខណៈរៀបចំដូចជា ការសម្តែងរបាំប្រពៃណី, ការប្រគុំតន្ត្រីសម័យ, ការចាក់បញ្ចាំងខ្សែភាពយន្ត និងការបាញ់ កាំជ្រួចអបអរសាទរឆ្លងឆ្នាំ។
សេចក្តីដូចបានជម្រាបជូនខាងលើ និងដើម្បីញ៉ាំងឱ្យបរិយាកាស នៃកម្មវិធីកាន់តែមានភាពអធិកអធម និងសប្បាយរីករាយ រដ្ឋបាលខេត្ត មានកិត្តិយសសូមគោរពអញ្ជើញ សាធារណជន និងបងប្អូនប្រជាពលរដ្ឋទាំងអស់ ភ្ញៀវទេសចរជាតិ និងអន្តរជាតិ អញ្ជើញចូលរួមក្នុងព្រឹត្តិការណ៍នេះឱ្យបានច្រើនកុះករ និងសូមចូលរួមថែរក្សាអនាម័យ បរិស្ថានរបស់យើង ឱ្យបានស្អាតទាំងអស់គ្នា៕
ប្រភព៖ Pursat Provincial Hall
