ភ្នំពេញ៖ កាលពីម៉ោងប្រមាណ ១:១០នាទីយប់ រំលងអាធ្រាត្រឈានចូល ថ្ងៃទី២៩ ខែធ្នូ ឆ្នាំ២០២២ មានករណីគ្រោះថ្នាក់ចរាចរណ៍មួយបានកើតឡើងនៅចំនុចបណ្ដោយផ្លូវ២៧១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។
បើយោងតាមប្រភពពីកន្លែងកើតហេតុបានអោយដឹងថា មានបុរសម្នាក់បេីករថយន្ដព្រូស ពណ៌ស មានពាក់ស្លាកលេខ ភ្នំពេញ ២AE-១៨៦៩ បានបេីកគេចពីម៉ូតូកង់បីមួយគ្រឿង បណ្ដាលអោយយរ៉េចង្កូតទៅបុកខឿនហើយបន្តហោះទៅបុកបង្គោលភ្លើងថ្ម បណ្ដាលឲ្យរងការខូចខាតយ៉ាងដំណំ។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានចុះមកធ្វេីការវាស់វែង និងបានយករថយន្តទៅរក្សាទុករងចាំការដោះស្រាយនៅពេលក្រោយ៕
