កោះកុង៖ ថ្ងៃចន្ទ ១៤ កើត ខែកត្តិក ឆ្នាំខាលចត្វាស័ក ពុទ្ធសករាជ ២៥៦៦ត្រូវនឹងថ្ងៃទី៧ ខែវិច្ឆិកា ឆ្នាំ២០២២ ម៉ោង៩:១៥នាទីព្រឹក ក្រោមការចង្អុលបង្ហាញ ពីលោកឧត្តមសេនីយ៍ទោ ស្នងការ កម្លាំងព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តកោះកុង បានឃាត់ខ្លួនមុខសញ្ញាសង្ស័យចំនួន ០១នាក់ ឈ្មោះ ហុង បញ្ញា ភេទប្រុស អាយុ៣១ឆ្នាំ ជនជាតិខ្មែរ មុខរបរ នគរបាល មានទីលំនៅភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ពីបទ ប្រើអំពើហឹង្សា លើប្រពន្ធដោយការប្រចណ្ឌ តាមបណ្តឹងរបស់ឈ្មោះ ឈុំ ស្រីរ័ត្ន ភេទស្រី អាយុ២៥ឆ្នាំ ជនជាតិខ្មែរ មុខរបរបុគ្គលិកបំរើការងារនៅ KTV មានទីលំនៅស្នាក់នៅបន្ទប់ជួល ស្ថិតក្នុងភូមិ៣ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។
ដោយជនសង្ស័យ បានធ្វើសកម្មភាព ច្របាច់កជនរងគ្រោះនិងបានយក អំបែងកញ្ចក់ ចាក់ពោះ ជនរងគ្រោះបណ្តាលឲ្យ រងរបួស ធ្ងន់ បច្ចុប្បន្ន កំពុងសម្រាកព្យាបាលនៅមន្ទីរពេទ្យ ចំពោះករណីនេះ គឺកេីតឡេីងពីការប្រចណ្ឌ ។ បច្ចុប្បន្នកម្លាំងជំនាញយេីង បាបំពេញសំណុំរឿងបញ្ជូនទៅសាលាដំបូងខេត្តចាត់ការបន្តតាមនីតិវិធី៕
ប្រភព៖ នាយកដ្ឋានផ្សព្វផ្សាយអប់រំ
