កោះកុង ៖ នៅថ្ងៃទី១៤ ខែកញ្ញា ឆ្នាំ២០២២ វេលាម៉ោង៦ និង០០នាទី ក្រោយពីទទួលបានពាក្យបណ្ដឹងកម្លាំងជំនាញអធិការដ្ឋាននគរបាលក្រុងខេមរៈភូមិន្ទ បានសហការជាមួយសមត្ថកិច្ច នៃអធិការដ្ឋាននគរបាលស្រុកស្រែអំបិល បានធ្វើការឃាត់ខ្លួនជនសង្ស័យម្នាក់ភ្លាមៗ នៅម្ដុំការ៉ាស់សាំងផ្លូវបំបែក ក្នុងស្រុកស្រែអំបិល ពីបទលួចម៉ូតូ (នៅម្ដុំផ្ទះជួលតាទីត ស្ថិតក្នុងភូមិស្ទឹងវែង សង្កាត់ស្ទឹងវែង ក្រុងខេមរៈភូមិន្ទ ខេត្តកោះកុង នៅថ្ងៃទី១៤ ខែកញ្ញា ឆ្នាំ២០២២ ) ។
មន្ត្រីនគរបាលក្រុងខេមរៈភូមិន្ទ បានប្រាប់ឲ្យដឹងថា៖ ជនសង្ស័យឈ្មោះ បុល លិក ភេទប្រុស អាយុ២១ ឆ្នាំមុខរបរកម្មករ ជាជនសង្ស័យ មានស្រុកកំណើតនៅខេត្តសៀមរាប ទីលំនៅបច្ចុប្បន្នស្នាក់នៅក្នុងភូមិបឹងឃុនឆាង សង្កាត់ស្មាច់មានជ័យ។
វត្ថុតាងរួមមាន ៖ ម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០២២ ពណ៌ខ្មៅ មានស្លាកលេខកោះកុង1C-4282 របស់ជនរងគ្រោះ ឈ្មោះ គង់ សុវណ្ណរាជ ភេទប្រុស អាយុ១៥ឆ្នាំ មុខរបរនៅផ្ទះ មានទីលំនៅបច្ចុប្បន្នភូមិ២ សង្កាត់ស្មាច់មានជ័យ ដែលចតនៅមុខផ្ទះជួលមិនបានដកសោពីម៉ូតូ ។
បច្ចុប្បន្នជនសង្ស័យ ត្រូវបានកម្លាំងអធិការដ្ឋាននគរបាលក្រុងខេមរភូមិន្ បញ្ជូនមកកាន់អធិការដ្ខាននគរបាលខេត្តកោះកុង ដើម្បីចាត់ការតាមនីតិវិធី ៕
ប្រភព៖ អគ្គស្នងការដ្ឋាននគរបាលជាតិ
