បាត់ដំបង៖ កាលពីថ្ងៃទី១៩ ខែកក្កដា ឆ្នាំ២០២២កន្លងមក កម្លាំងកងរាជអាវុធហត្ថខេត្តបាត់ដំបង បានធ្វើការឃាត់ខ្លួនជនសង្ស័យ ៩នាក់ ទាក់ទងនឹងករណីប្លន់យកម៉ូតូប្រដាប់ដោយកាំបិតផ្គាក់ក្នុងស្រុកបវេល ខេត្តបាត់ដំបង។
បើតាមប្រភពពីសមត្ថកិច្ចបានអោយដឹងថាក្រោយទទួលបានពាក្យបណ្តឹងអំពីជនរងគ្រោះឈ្មោះគង់ ណន់ ភេទប្រុស អាយុ ៤៨ ឆ្នាំ សមត្ថកិចបានធ្វើការស្រាវជ្រាវ និងឃាត់ខ្លួនជាបន្តបន្ទាប់នៅជនសង្ស័យ ៩នាក់ ដែលបានធ្វើសកម្មភាពប្លន់ជនរងគ្រោះនៅចំនុចផ្លូវជាតិលេខ ៥៧B ស្ថិតក្នុងភូមិដំណាក់ដង្កោ ឃុំក្តុលតាហែន ស្រុកបវេល ខេត្តបាត់ដំបង។
នៅក្នុងសមត្ថកិច្ចបានធ្វើការដកហូតវត្ថុតាងរួមមានម៉ូតូហុងដាឌ្រីម ១២៥ សេរីឆ្នាំ ២០២២។ ក្រោយការបង្ក្រាបកម្លាំងជំនាញដកហូតបាននូវវត្ថុតាងមួយចំនួនរួមមាន: ម៉ូតូហុងដាឌ្រីម ១២៥ ចំនួន ០៤គ្រឿង, កាំបិតផ្គាក់ចំនួន ០៣ដើម និងស្លាកលេខម៉ូតូ ០២ សន្លឹក មានលេខ បាត់ដំបង ១AP–៤០៧៤ ជាស្លាកលេខម៉ូតូរបស់ជនរងគ្រោះ និងលេខ បាត់ដំបង ១AF–៦៦១៩។ ចំពោះជនសង្ស័យទាំង ៩នាក់ត្រូវបានសមត្ថកិច្ចធ្វើការកសាងសំណំរឿង ដើម្បីបញ្ជូនទៅតុលាការ៕
