ភ្នំពេញ៖ កាលពីម៉ោងប្រមាណ១:០០នាទីរំលងអាធ្រាត្រឈានចូលថ្ងៃទី២០ ខែកក្កដា ឆ្នាំ២០២២ មានករណីគ្រោះថ្នាក់ចរាចរណ៍មួយបានកើតឡើងនៅចំណុចលូវបុរីអង្គរ ក្នុងសង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ។
បើយោងតាមប្រភពពីកន្លែងកើតហេតុ បានអោយដឹងថានៅម៉ោងកើតហេតុមានបុរសម្នាក់បើករថយន្តសេរីទំនើបម៉ាក Ford Ranger ពាក់ស្លាកលេខភ្នំពេញ ២BB-៣១៩៨ ក្នុងល្បឿនលឿនទៅបុកនឹងលូដាក់កៀនផ្លូវ បណ្តាលអោយរថយន្តក្រឡាប់ផ្ងារជើងម្ខាងរងការខូចខាតយ៉ាងខ្លាំង។
ក្រោយកើតហេតុសមត្ថកិច្ចបានចុះមកធ្វើការវាស់វែង និងយករថយន្តទៅរក្សាទុក ដើម្បីទុកធ្វើការដោះស្រាយនៅពេលក្រោយ៕
