ភ្នំពេញ៖ កាលពីថ្ងៃទី១៣ ខែកក្កដា ឆ្នាំ២០២២ សមត្ថកិច្ចជំនាញនៃមន្ទីរប្រឆាំងបទល្មើសគ្រឿងញៀន ដោយមានការសហការជាមួយនឹងសមត្ថកិច្ចខណ្ឌច្បារអំពៅ បានធ្វើការបង្ក្រាបទីតាំងចែកចាយម៉ាស៊ីនបារី និងទឹកបារីអេឡិចត្រូនិក នៅចំនុចផ្ទះលេខ៩៧ ស្ថិតនៅតាមផ្លូវM០២ ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ។
ក្នុងប្រតិបត្តិការណ៍សមត្ថកិច្ចក៏បានឃាត់ខ្លួនជនសង្ស័យ ចំនួន ២រូប ព្រមជាមួយនឹងវត្ថុតាំងរួមមានម៉ាស៊ីនបារីអេឡិចត្រូនិកចំនួន ៩០កេស, ទឹកបារីអេឡិចត្រូនិកចំនួន ១៣៨កេស។ ចំពោះជនសង្ស័យទាំង ២នាក់ត្រូវប្រគល់ជូនសមត្ថកិច្ចជំនាញនៃមន្ទីរប្រឆាំងបទល្មើសគ្រឿងញៀន ដើម្បីធ្វើការដោះស្រាយតាមនីតិវិធីច្បាប់៕
