ភ្នំពេញ៖ កាលពីវេលាម៉ោងប្រមាណ ១០:៣០នាទីយប់ថ្ងៃទី១៣ ខែកក្កដា ឆ្នាំ២០២២ មានករណីរថយន្តមួយគ្រឿងបានបើកបុករបាំងថ្មពុះចែកទ្រូងផ្លូវ នៅចំណុចផ្លូវ២៧១ ក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។
បើតាមប្រភពពីកន្លែងកើតហេតុបានអោយដឹងនៅម៉ោងកើតហេតុខាងលើ គេបានឃើញបុរសម្នាក់បើករថយន្ត Toyota Vios ពាក់ស្លាកលេខភ្នំពេញ ២AQ-១១២០ ក្នុងសភាពរ៉េពេញផ្លូវរហូតដល់បុករបាំងចែកទ្រូងផ្លូវបង្កអោយមានការខូចខាត។
ក្រោយកើតហេតុសមត្ថកិច្ចបានធ្វើការចុះទៅវាស់វែង នឹងយករថយន្តមកធ្វើការរក្សាទុក ដើម្បីរង់ចាំការដោះស្រាយ៕
