ភ្នំពេញ៖ កាលពីម៉ោងប្រមាណ ១០:២០នាទីយប់ថ្ងៃទី១០ ខែកក្កដា ឆ្នាំ២០២២ មានករណីរថយន្តមួយគ្រឿងបានបើកឡើងសួនចែកទ្រូងផ្លូវនៅចំនុចផ្លូវហានណូយ សង្កាត់គោកឃ្លាង ខណ្ឌសែនសុខ រាជធានីភ្នំពេញ បង្កអោយការខូចខាត។
បើយោងតាមកប្រភពពីកន្លែងកើតហេតុបានអោយដឹងថារថយន្តបង្កម៉ាកកូវ៉ូឡាពាក់ស្លាកលេខភ្នំពេញ ២AB-៣០៨៥ បើកបរដោយបុរសម្នាក់មិនត្រូវបានស្គាល់អត្ថសញ្ញាណ បានបុកសួនចែកទ្រូងផ្លូវនៅចំនុចខាងលើបង្កអោយមានការខូចខាត។
ក្រោយកើតហេតុសមត្ថកិច្ចជំនាញបានចុះមកធ្វើការវាស់វែង និងយករថយន្តទៅរក្សាទុក ដើម្បីរងចាំការដោះស្រាយ៕
