ភ្នំពេញ៖ កាលពីវេលាម៉ោងប្រមាណ ២:១០នាទីរំលងអាធ្រាត្រឈានចូលថ្ងៃទី២៨ ខែមិថុនា ឆ្នាំ២០២២ មានករណីគ្រោះថ្នាក់ចរាចរណ៍មួយបានកើតឡើងនៅចំនុចផ្លូវព្រះនរោត្តម កែងផ្លូវ២៩៤ ក្នុងសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ដែលបង្កឡើងដោយរថយន្តសេរីទំនើប ២គ្រឿង។
បើតាមប្រភពពីកន្លែងកើតហេតុបានអោយដឹងថានៅវេលាម៉ោងខាងលើមានរថយន្តព្រូសមួយគ្រឿងពាកស្លាកលេខភ្នំពេញ ២AX-១៨០៣ បានបុកជាមួយនឹងរថយន្ត Rubicon ពាកស្លាកលេខភ្នំពេញ ២BJ-៩៩៦៨ ខ្ទប់ទៅនឹងបង្គោលភ្លើងទៅមុខលែងរួច។ ហើយរថយន្តព្រូសបង្កហេតុខាងលើ ព្យាយាមបើករត់គេចពីកន្លែងកើតហេតុ ប៉ុន្តែត្រូវសមត្ថកិច្ចតាមឃាត់បានមកវិញ។
ក្រោយកើតហេតុសមត្ថកិច្ចបានធ្វើការវាស់វែង និងយករថយន្តទៅរក្សាទុក ដើម្បីធ្វើការដោះស្រាយនៅពេលក្រោយ៕
