កំពង់ស្ពឺ ៖ នៅថ្ងៃទី២៤ ខែមិថុនា ឆ្នាំ២០២២ វេលាម៉ោង១៩ និង១០ នាទី នៅលើផ្លូវលេខ៤១ ចន្លោះគីឡូម៉ែត្រលេខ(៥-៦) ត្រង់ចំណុចភូមិកំណប់ ឃុំរលាំងគ្រើល ស្រុកសំរោងទង ខេត្តកំពង់ស្ពឺ មានករណីគ្រោះថ្នាក់ចរាចរណ៍រវាងម៉ូតូប៉ះម៉ូតូ បណ្តាលឲ្យមនុស្សរងរបួសធ្ងន់ចំនួន ០៣នាក់ (ស្រី ០១នាក់) ។
តាមការបញ្ជាក់ពីសមត្ថកិច្ច បានឲ្យដឹងថា មុនពេលកើតហេតុ មានម៉ូតូ១គ្រឿងម៉ាក យ៉ាម៉ាហាអឹមធី ស៊េរីឆ្នាំ២០១៩ ពណ៌ខ្មៅ ពាក់ស្លាកលេខ ភ្នំពេញ 1IC-8233 អ្នកបើកបរមិនស្គាល់អត្តសញ្ញាណ(របួសធ្ងន់) បើកបរពីទិសខាងត្បូងទៅទិសខាងជើង ។ លុះមកដល់ចំណុចត្រង់ចំណុចខាងលើបានប៉ះម៉ូតូ១គ្រឿង ម៉ាកយ៉ាម៉ាហាអឹមស្លេស ពណ៌ខ្មៅ ស៊េរីឆ្នាំ២០១៧ ពាក់ស្លាកលេខ ភ្នំពេញ 1IB-3064 បើកបរដោយឈ្មោះរឿន ភារ៉ាន់ ភេទប្រុស អាយុ២៦ឆ្នាំ រស់នៅភូមិព្រៃរំដួល ឃុំសែនដី ស្រុកសំរោងទង ខេត្តកំពង់ស្ពឺ ឌុបឈ្មោះ រ៉ន ស្រីនុច ភេទស្រី អាយុ២០ឆ្នាំ រស់នៅភូមិជាមួយគ្នា ដោយបើកបរបញ្ជ្រាសទិសគ្នា និងបណ្តាលអោយរបួសរបួសធ្ងន់មនុស្ស០៣នាក់ ស្រី១នាក់ ចំពោះជនរងគ្រោះត្រូវបញ្ជូនទៅព្យាបាលនៅមន្ទីពេទ្យ ។
ក្រោយកើតហេតុរួច សមត្ថកិច្ចបានធ្វើការវាស់វែង និងនាំយកម៉ូតូទាំង២គ្រឿងខាងលើមករក្សារទុកនៅប៉ុស្តិ៍នគរបាលរដ្ឋបាលរលាំងគ្រើលដើម្បីដោះតាមនីតិវិធី ៕
ប្រភព៖ អគ្គស្នងការដ្ឋាននគរបាលជាតិ
