ភ្នំពេញ ៖ នៅថ្ងៃទី១០ ខែមិថុនា ឆ្នាំ២០២២ ម៉ោង០៩និង ៣០នាទី ប៉ុស្តិ៍នគរបាលរដ្ឋបាលឃ្មួញស្រាវជ្រាវ ឃាត់ខ្លួនជនសង្ស័យ ០៣នាក់ ករណីលួចមានស្ថានទម្ងន់ទោសដោយប្រព្រឹត្តអំពើហិង្សា(ប្រើជើងធាក់ផ្តួល ប្រើខ្សែក្រវាត់ដេញ វាយ និងវាយតប់យកម៉ូតូ) ។
សូមបញ្ជាក់ថា ហេតុការណ៍ខាងលើ កើតឡើងកាលពីថ្ងៃទី២៩ ខែឧសភា ឆ្នាំ២០២២ ម៉ោង០៣ និង០៩នាទី នៅចំណុចម្តុំបន្សាបគ្រឿងញៀន ឱកាសខ្ញុំ ផ្លូវបេតុង ភូមិសំរោង សង្កាត់ឃ្មួញ ខណ្ឌសែនសុខ បង្កដោយជនសង្ស័យ ០៣នាក់ ។
ជនសង្ស័យទាំង០៣នាក់ រួមមាន ៖ ១-ឈ្មោះ ម៉ាន់ កែវជីវិត ភេទប្រុស អាយុ ១៨ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះសង់ថ្មី ផ្លូវបេតុង ភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ (គ្មានសារធាតុញៀន) , ២-ឈ្មោះ រុំ ថារិទ្ធ ភេទប្រុស អាយុ ១៨ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ (គ្មានសារធាតុញៀន) , ៣-ឈ្មោះ ណាង រតនា ភេទប្រុស អាយុ ១៨ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ (គ្មានសារធាតុញៀន) ។
ជនសង្ស័យបានធ្វើសកម្មភាពប្រើជើងធាក់ផ្តួលប្រើខ្សែក្រវាត់ដេញវាយ និងវាយតប់យក ម៉ូតូ០១គ្រឿង ម៉ាកហ្សូមឺអ៊ិច ពណ៌ទឹកក្រូច ស៊េរីឆ្នាំ២០១៧ ពាក់ស្លាកលេខភ្នំពេញ 1GM-1953 របស់ជនរងគ្រោះឈ្មោះ ជុំ សិរីសួរ ភេទស្រី អាយុ២២ឆ្នាំ ជនជាតិខ្មែរ មុខរបរធ្វើការ ស្នាក់នៅផ្ទះលេខ៧៧ ផ្លូវ១៨៤ ភូមិសំរោងសង្កាត់ឃ្មួញ ខណ្ឌសែនសុខ ។
បច្ចុប្បន្ន ជនសង្ស័យត្រូវបានឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌសែនសុខ ដើម្បីកសាងសំណុំរឿងបញ្ជូនអនុវត្តបន្តតាមនីតិវិធី ៕
ប្រភព៖ អគ្គស្នងការដ្ឋាននគរបាលជាតិ
