កំពង់ស្ពឺ៖ នៅថ្ងៃពុធ ទី១៨ ខែឧសភា ឆ្នាំ២០២២ វេលាម៉ោង ០៩ និង ៣០នាទី នៅផ្លូវក្រាលកៅស៊ូលេខ៤៦ ត្រង់ចំណុចភូមិថ្មី ឃុំ ចំបក់ ស្រុកភ្នំស្រួច ខេត្តកំពង់ស្ពឺ មានករណីម៉ូតូធ្លាក់ផ្លូវទៅបុកដើមឈើ បណ្តាលឲស្លាប់ ២នាក់ និងរងរបួសធ្ងន់ម្នាក់ ។
យោងតាមការបញ្ជាក់ពីសមត្ថកិច្ច បានអោយដឹងថា មុនពេលកើតហេតុ មានម៉ូតូ០១គ្រឿង ម៉ាក ហុង ដា C125 ពណ៌ខ្មៅ ស៊េរីឆ្នាំ2016 ពាក់ស្លាកលេខកំពង់ស្ពឺ1D-9311 ជិះគ្នាបីនាក់ បើកបរដោយឈ្មោះ ខន សុវិបុល ភេទប្រុស អាយុ១៤ឆ្នាំ រស់នៅភូមិរលាំងសង្កែរ សង្កាត់សុព័រទេព ក្រុងច្បារមន ខេត្តកំពង់ស្ពឺ អ្នកជិះពីក្រោយពីនាក់ ទី១- ឈ្មោះ ផន លីសីហា ភេទប្រុស អាយុ១៤ឆ្នាំ រស់នៅភូមិសំណង់ សង្កាត់រការធំ ក្រុងច្បារមន ខេត្តកំពង់ស្ពឺ ទី២-ឈ្មោះ សៀវ សុខជា ភេទប្រុស អាយុ15ឆ្នាំ រស់នៅភូមិរលាំងសង្កែ សង្កាត់រការធំ ក្រុងច្បារមន ខេត្តកំពង់ស្ពឺ បើកបរពីទិសខាងកើតទៅលិច បើកបរក្នុងល្បឿលឿន មកដល់ចំណុចខាងលើ បានជ្រុលធ្លាក់ផ្លូវម្ខាងទៅបុកដើមឈើ បណ្តាលឲ្យឈ្មោះ ខន សុខវិបុល និង ឈ្មោះ ផន លីសីហា ស្លាប់ នៅពេលដឹកមកដល់មន្ទីរពេទ្យផ្សារតាឡាត់ និងឈ្មោះ សៀវ សុខជា រងរបួសធ្ងន់ ។
ចំពោះសពទាំងពីរនាក់ខាងលើ សមត្ថកិច្ចយើងបានប្រគល់ជូនក្រុមគ្រួសារ ដឹកយកទៅធ្វើបុណ្យទៅតាមប្រពៃណី និងវត្ថុតាងក៏បានប្រគល់ជូនក្រុមគ្រួសារសពវិញផងដែរ៕
ប្រភព៖ អគ្គស្នងការដ្ឋាននគរបាលជាតិ
