កំពង់ស្ពឺ ៖ បុរសម្នាក់បើកម៉ូតូដួលធ្លាក់ចូលប្រឡាយទឹក បណ្តាលស្លាប់ នៅយប់ថ្ងៃសៅរ៍ ១៤ កើត ខែពិសាខ ឆ្នាំខាល ចត្វាស័ក ពុទ្ធសករាជ ២៥៦៥ ត្រូវនឹងថ្ងៃទី១៤ ខែឧសភា ឆ្នាំ២០២២ វេលាម៉ោង ២២និង៣០នាទី នៅត្រង់ចំណុចលើផ្លូវលំភូមិកាកាប ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ ។
តាមការបញ្ជាក់ពីសមត្ថកិច្ច បានអោយដឹងថា មានម៉ូតូ ០១ គ្រឿងម៉ាក HONDA DREAM C 125 ពណ៌ខ្មៅ ពាក់ផ្លាកលេខកំពង់ឆ្នាំង 1A-7456 បើកបរដោយឈ្មោះ រិន សេរី ភេទប្រុស អាយុ៤២ឆ្នាំ រស់នៅភូមិត្រពាំងរុន ឃុំដំណាក់រាំង ស្រុកឧដុង្គ ខេត្តកំពង់ស្ពឺ បើកបរក្នុងទិសដៅពីលិចទៅកើតលុះបើកបរមកដល់ចំណុចខាងលើ បានបើកធ្លាក់ទៅក្នុងប្រឡាយទឹកខាងត្បូងផ្លូវ បណ្តាលឲ្យស្លាប់នៅនិងកន្លែងកើតហេតុ ។
ចំពោះសពជនរងគ្រោះ និង ម៉ូតូ ០១ គ្រឿង បានប្រគល់ជូនទៅក្រុមគ្រួសារ ដើម្បីចាត់ចែងធ្វើបុណ្យតាមប្រពៃណី៕
ប្រភព៖ អគ្គស្នងការដ្ឋាននគរបាលជាតិ
