ភ្នំពេញ៖ កាលពីវេលាម៉ោងប្រមាណ ១០:៣០នាទីយប់ ថ្ងៃទី១ ខែឧសភា ឆ្នាំ២០២២ មានករណីរថយន្តលុចស៊ីស ៤៧០ មួយគ្រឿងបានបើកបុករថយន្តព្រូសពីក្រោយ ហើយព្យាយាមបើករត់គេចខ្លួន។ ប៉ុន្តែត្រូវម្ចាស់រថយន្តព្រូសឡើងជិះកង់បី ដេញតាមឃាត់រហូតដល់ផ្លូវ ៦០ម៉ែត្រ ទើបឃាត់បាន។
គួរបញ្ជាក់ថាក្នុងនោះរថយន្តបង្កលុចស៊ីស ៤៧០ ពាក់ស្លាកលេខ ភ្នំពេញ ២L-២១៧៩ ហើយរថយន្តព្រូសពាក់ស្លាកលេខ ភ្នំពេញ ២BJ-៣៩៥៤។ ហេតុការណ៍ដំបូងកើតឡើងនៅតាមបណ្ដោយផ្លូវព្រះនរោត្ដម កែងផ្លូវ២៩៤ ក្នុងសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ។ ក្រោយកើតហេតុសមត្ថកិច្ចបានចុះមកធ្វើការវាស់វែង និងយករថយន្តទៅរក្សាទុកដើម្បីធ្វើការដោះស្រាយ៕
