ថ្ងៃទី១៩ ខែកុម្ភៈ ឆ្នាំ២០២២ មន្ត្រីជំនាញ ក.ប.ប. សាខាខេត្តកំពង់ស្ពឺ ខេត្តព្រៃវែង ខេត្តសៀមរាប និងខេត្តបាត់ដំបង បន្តប្រតិបត្តិការត្រួតពិនិត្យប្រេងឥន្ធនៈនៅតាមស្ថានីយ/ដេប៉ូ ដើម្បីស្វែករកភាពមិនអនុលោមណាមួយក្នុងវិស័យមួយនេះ និងដើម្បីការពារផលប្រយោជន៍អ្នកប្រើប្រាស់ ក៏ដូចជាទប់ស្កាត់អំពើមិនស្មោះត្រង់ពីសំណាក់ម្ចាស់ស្ថានីយ/ដេប៉ូប្រេងឥន្ធនៈពីការកេងប្រវ័ញ្ចដោយចេតនានិងអចេតនាពីអតិថិជនដែលជាអ្នកប្រើប្រាស់។
តាមលទ្ធផលឃើញថាដេប៉ូប្រេងឥន្ធនៈចំនួន ១០ទីតាំងត្រូវបានមន្ត្រីជំនាញរកឃើញមិនមានអនុលោមភាព ក្នុងចំណោម ២១ទីតាំងដែលបានត្រួតពិនិត្យ និងចាត់វិធានការពិន័យអន្តរការណ៍ទៅតាមនីតិវិធីផងដែរ៕
ប្រភព៖ អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ CCF
