ព្រះសីហនុ៖ យុវជនសិស្សសាលាម្នាក់បានស្លាប់ដោយគ្រោះថ្នាក់ចរាចរណ៍ ជិះម៉ូតូបុកពីក្រោយគ្រឿងចក្រធ្វើផ្លូវ នៅថ្ងៃទី១៦ ខែកុម្ភៈ ឆ្នាំ២០២២នេះ វេលាម៉ោង ០៥:៣០នាទីព្រឹក តាមផ្លូវទៅទំនប់រលកក្នុង ភូមិ៣ សង្កាត់លេខ៣ ក្រុងព្រះសីហនុ ។
សមត្ថកិច្ចប្រាប់ជាបឋមថា ជនរងគ្រោះ ឈ្មោះ រិទ្ធ វិចិត្រ ភេទប្រុស អាយុ ១៨ឆ្នាំ មុខរបរសិស្ស មានទីលំនៅ ភូមិ៣ សង្កាត់លេខ៣ ក្រុងព្រះសីហនុ ជិះម៉ូតូ ០១គ្រឿងម៉ាក HONDA SCOOPY ពណ៌ក្រហម គ្មានផ្លាកលេខ មានទិសដៅពីជេីងទៅត្បូង បានបុកពីក្រោយគ្រឿងចក្រធ្វេីផ្លូវ០១គ្រឿងរបស់ក្រុមហ៊ុនធ្វើផ្លូវ ដែលចតទុកលេីផ្លូវ ។ ពេលកើតហេតុអ្នកបេីកបរគ្រឿងចក្រមិននៅលើគ្រឿងចក្រទេ បច្ចុប្បន្នសមត្ថកិច្ចនគរបាលចរាចរណ៍កំពុងដោះស្រាយបន្តតាមនិតិវិធី៕
ប្រភព៖ Huy Bunleng News
