ភ្នំពេញ៖ នេះបើយោងតាមផេករបស់លោក ប៊ុន ផាក បានបង្ហោះនៅថ្ងៃទី១៣ ខែកុម្ភៈ ឆ្នាំ២០២២នេះ បានអោយដឹងថា៖
“ខ្ញុំមិនមែនជាគ្រូជោគជ័យទេ ព្រោះខ្ញុំមិនធ្លាប់បានបង្រៀនអ្នកណាម្នាក់ពីទ្រឹស្តីជោគជ័យ ហើយក៏មិនធ្លាប់ជោគជ័យខ្លួនឯងម្តងក្នុងជីវិតនៅឡើយទេ។ ខ្ញុំជាសហគ្រិនមួយរូបដែលដួលងើបៗជាច្រើនដង ហើយនៅតែកំពុងធ្វើការតស៊ូនៅឡើយ។ ខ្ញុំបានបង្កើតក្រុមហ៊ុនតូចមួយដែលមានឈ្មោះថា Camazoon (www.camazoon.com) ដែលប្រតិបត្តិការលើសេវាកម្មមួយចំនួន
-P&G Supply សេវាកម្មបញ្ជារទិញ និងផ្គត់ផ្គង់ទំនិញពីរោងចក្រ (www.png.supply)
-Phzar App បញ្ជារទិញទំនិញក្រៅស្រុក (សព្វថ្ងៃផ្អាកដំណើរការ)
-WERead កម្មវិធីសង្ខេបសៀវភៅជាភាសាខ្មែរ (www.weread.asia)
-WEBuy កម្មវិធី Live លក់ទំនិញដែលនឹងដាក់ដំណើរការក្នុងពេលឆាប់ៗនេះ!
ទំនាក់ទំនងស្នេហាចុងក្រោយរបស់ខ្ញុំជារឿងឯកជន ជាមនោសញ្ចេតនាផ្ទាល់ខ្លួនរវាងមនុស្សពីរនាក់ វាមិនបានបញ្ជាក់ថាខ្ញុំជាបុគ្គលបែបណាឡើយ តែវាសំខាន់ណាស់ដែលបងប្អូនមួយចំនួនត្រូវមើលរឿងមួយអោយបានគ្រប់ជ្រុង មុននឹងធ្វើការវិនិច្ឆ័យអ្វីមួយ។
ខ្ញុំសូមអធ្យាស្រ័យបើសិនជាវាធ្វើអោយប៉ះពាល់អារម្មណ៍ តែខ្ញុំសូមច្រានចោលនូវការរិះគន់ខុសទំនងរបស់បុគ្គលមួយចំនួនដែលមិនធ្លាប់សូម្បីតែស្គាល់ខ្ញុំបានម្តង។
-ហាមរិះគន់ស្រោមជើង 😆”៕
