ប៉ៃលិន៖ នៅពីថ្ងៃទី២ ខែកុម្ភៈឆ្នាំ២០២២ ក្រោយទទួលពាក្យបណ្តឹងពីយុវជនរងគ្រោះ ដែលត្រូវ ក្រុមស្ទាវ០៦នាក់ ប្រើកាំបិតកាប់ និងខ្សែក្រវ៉ាត់វាយមកលើខ្លួនឱ្យរងរបួស ក៏ត្រូវបានសមត្ថកិច្ចចាប់ខ្លួន។
ក្នុងនោះនគរបាលប៉ុស្តិ៍ស្ទឹងកាច់បានចាប់ក្រុមស្ទាវ ០៦នាក់ដោយប្រើកាំបិតកាប់ និងខ្សែក្រវ៉ាត់វាយលើជនរងគ្រោះឱ្យរងរបួស។ ករណីនេះ បានកើតឡើងនៅមុខផ្ទះសំណាក់ព្រំមាសភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិនកាលពីយប់ថ្ងៃទី៣១ ខែមករា ឆ្នាំ២០២២កន្លងទៅ។ យុវជនរងគ្រោះ២នាក់ឈ្មោះចាន់ថា ធា អាយុ២២ឆ្នាំរងរបួសក្បាល និងឈ្មោះសារិន ចេក អាយុ ២០ឆ្នាំរងរបួសដៃ។
ដោយឡែកក្រុមជនដៃដល់មានឈ្មោះហាក់ ប៊ុនសៀង-ឈ្មោះកែវ ថាវី-ឈ្មោះផាត ធា-ឈ្មោះ វួន សុវណ្ណរ៉ា-ឈ្មោះ រឹម រិត-ឈ្មោះសុខ វីន។ពួកគេមានអាយុពី១៧ដល់២២ឆ្នាំនៅស្រុកសាលាក្រៅ ខេត្តប៉ៃលិន។
កម្លាំងនគរបាលបានទទួលពាក្យបណ្តឹងពីយុវជនរងគ្រោះដែលមានក្រុមស្ទាវ០៦នាក់ ប្រើកាំបិតកាប់និងខ្សែក្រវ៉ាត់វាយមកលើខ្លួនឱ្យរងរបួសត្រូវបានសមត្ថកិច្ចចាប់ខ្លួន។ បច្ចុប្បន្នជនបង្កនិងបក្ខពួកត្រូវបានឃាត់ខ្លួននៅអធិការដ្ឋាននគរបាលស្រុកសាលាក្រៅដើម្បីចាត់វិធានការបន្ត៕
