មណ្ឌលគិរី៖ នៅថ្ងៃទី០២ ខែកុម្ភៈ ឆ្នាំ២០២២ វេលាម៉ោង ១៨:៥៦នាទី យប់ មានករណីលោតដាច់ចរន្តអគ្គិសនីពីឧបករណ៍ផ្តាច់ ភ្ជាប់Auto Recloser_F១ (ជិតGS MDK១) មូលហេតុសត្វពស់ឡើងលើខ្សែបណ្តាញតង់ស្យុងមធ្យមMV ២២គីឡូវ៉ុល នៅភូមិពូត្រុំ សង្កាត់រមនា ក្រុងសែនមនោរម្យ ដែលបណ្តាលឲ្យដាច់ចរន្តអគ្គិសនីនៅតំបន់មួយចំនួនស្ថិតនៅ៖ ផ្នែកខ្លះនៅក្រុងសែនមនោរម្យ ស្រុកអូររាំង និងឃុំស្រែខ្ទុម ឃុំស្រែព្រះ ស្រុកកែវសីមា ខេត្តមណ្ឌលគិរី។
ក្រុមការងារបច្ចេកទេស បានធ្វើការភ្ជាប់ចរន្តអគ្គិសនីជូនអតិថិជនឲ្យមានចរន្តប្រើប្រាស់ឡើងវិញទាំងស្រុងនៅម៉ោង ១៩:២៨នាទីយប់។
សូមបញ្ជាក់ជូនថា៖ នៅក្រុងសែនមនោរម្យមានករណីភ្លៀងធ្លាក់ខ្លាំង និងជាហេតុបណ្តាលឲ្យសត្វពស់ឡើងលើខ្សែបណ្តាញ។
